hola y adios de buenos aires (argentina)....

und leider zum letschte mal heissts:

hola a todos...

aes isch sowit mir sind am aendi vo euser geniale reis acho... aber zerscht alles de reihe na:

vor 6 wuche simmer no zmitzt in chile gsi... mir sind mit em auto paar tag uf ae chlini insle, uf chiloe... isch ae zimli herzigi und chlini insle... in puerto montt simer daenn ufd faehre wo eus in suede uf patagonie bracht haet... d'fahrt uf dem frachtschiff isch zimli witzig gsi, haets doch jensti traveller an bord gha... in puerto natales acho, haets eus grad in nationalpark torres del paine verschlage, womer 3 tag mit sack und pack sind go wandere... ae super landschaft und entgaege allne reisefuerer schoen warm, sodass mer sogar im t-shirt haend choene umelaufe... witer ischs uf argentinie, zerscht an imposante perito moreno gletscher... nach stundlanger fahrt und dae durchquerig vo de magellanstrass simer daenn aendli ufem letschte stuekli erde vo waelt acho, in feuerland... die paar taeg am aendi vo dae waelt, gnauergseit in ushuaia, haemer einisch meh mit trekking verbracht... mit em flueger ischs wieder i bitzli waermeri gaegende, uf puerto madryn... det sind d'wahle und pinguine ufem programm gstande... und sie haend eus noed entuescht und sich in grosse zahle zeiget...  :-)nacheme churze stop ide haupstadt vo argentinie, ischs ganz in norde vom land... a die brasilianisch graenze, zu de riesige iguazu wasserfaell... die elendlangi busfahrt (je 18h hi und zrugg) haend sich aber meh als glohnt... aes aechts highlight vo eusere reis... zumal mer bi summerliche temperature numal chli sunne haend chone tanke...
ja und jetzt simer in buenos aires und verbringet da no eusi restliche taeg... die stadt isch aecht de hammer... ae mischig vo new york, london, paris und madrid, eifach mega... mir gnuesset drum eusi letschte taeg numal i volle zueg und machet ussert sightseeing, shopping und natuerli usgang nueme vill  :-)
nachem blabla zum letschte mal natuerli nod foeteli dezue:

Puerto Varas bis Buenos Aires

nach 7 moenet reise dur 12 laender isch eusi geniali reis scho fascht zaend... am sunntig heissts leider abschied zneh... gern wueret mer no laenger bliebe, aber natuerli freuet mer eus au uf dae maentig wemer ide schwiz landet... ich hoffe ich han eu mit mine mails noed allzu fescht glangwillet und hoffe fuer jede, dass er au gli sini koffer oder besser dae rucksack chan packe...

machets guet und hoffentlich bis scho bald...
ganz liebi gruessli vo buenos aires

adios y hasta luego
dani und nadja

hola de pucon (chile)....

hola a todos...

so ich hoffe es gaht eu allne so guet wie eus  :-)  sinder au alli schoen am schaefferle?

nach eusem letschte mail voreme monet, simer witer uf cusco... raecht touristischi sach, aber no herzigs staedli... unteranderem isch natuerli au de machu picchu ufem programm gstande... womer am morge frue unter de erste bsuecher gsi sind isch d´waelt no in ordnig gsi und mir haend fuer paar stuend die schoene ruine chone gnuesse... wo um de mittag aber hunderti tagestouris cho sind, haemer d´inkastadt fluchartig verlah... nachhere wuche cusco isch es witer gange an titikakasee uf 3800m, womer uf ae idruecklichi 2-tagestour sind (mit uebernachtig binere iheimische familie)... mir haend daenn peru in richtig la paz verlah, nach reisefuerer ae ruhigi stadt... mir haend jedoch aes riese chaos vorgfunde... zimli schnaell simer drum witer uf uyuni womer ufe 3-tages-salzsee-lagune-jeeptour sind... obwohls ide nacht arschchalt gsi isch (bis -20 grad, isch au alles zwueschet 4000-5000m gsi), isch es landschaftlich bis jetzt klar s´schoenste gsi... im aschluss vo dere tour isch es i euses zweiletschte land gange, uf chile... eigentlich haemer aes paar taeg welle in san pedro de atacama verbringe, doch waegem schlaechte waetter (schnee ide hoechi und une sandstuerm!) sind saemtlichi sehenswuerdigkeite gschlosse gsi... mir sind drum witer id hauptstadt uf santiago... nachdem mer ueber 5 moenet, teils kriminelli orte schadlos ueberlaebt haend, haets eus usgraechnet im europa vo suedamerika verwuetscht, mer sind beklaut worde... aber noed nur s´shoppe und d´prise sind in chile wie bi eus, sondern au d´polizei... die haend de dieb naemli grad gschnappet und in handschaelle abgfuert... fuer eus isch die sach drum prima usgange, es isch sogar zumene erlaebnis worde... mir sind naemli paar tag spoeter zur grichtsverhandlig gaeg de typ als zuege vorglade worde... isch wie im film gsi  :-)  witer isch es daenn richtig suede in lake district, gnauer gseit uf pucon... und da waeret mer jetzt... mir sind jetzt scho fascht ae wuche da, wills eus so guet gfallt, und haend d´zit mit skifahre, thermalbaeder, bike, wandere und vulkanbestieg umegschlage...

so und zum schluss wie immer no aes paar bildli zu de ganze sach:

Cusco bis Pucon

als noegscht haemmer vor no bis ganz in suede uf feuerland abe zgah und daenn dae ganz weg wieder ufe uf buenos aires... wo i knapp saechs wuche euse flueger richtig schwiz wird warte...

mir wuenschet eu allne no ae gueti zit... maeldet eu doch mal mit eune latest news... schoene herbscht und noed zstraeng...

liebs gruessli
dani und nadja

hola de arequipa (peru)....

persoenliches logbuch des captains... sternzeit: was auch immer, auf alle faelle ist heut tagnummer 137 unserer reise und es ist zeit euch mal wieder bisschen eifersuechtig zu machen  :-) 

also... heut mach ich mal kurz, han defuer mal paar komentaer meh zu de foeteli gschriebe...

vo baños in equador isch mit em tourizug "nariz del diablo" vo riobamba nach alausi... am morge am sexi simer uf de zug, es isch en gueterzug gsi und mer isch ufem dach ghocket zwueschet hunderte touris... dfahrt isch aber no guet gsi, vorallem dlandschaft...
nach emene abstaecher in cuenca, womer no die noed wuerklich sehenswerte ruine vo ingapirca sind go aluege, ischs uf guayaquil gange, dae wohl haesslichste stadt in ecuador... fuer eus aber abflugort richtig galapagos... zu de galapagos gits noed viel zsaege, ussert aes riese WOOOOOOOOOOOOWWWWWWWWW... eifach hamer gsi... fuer 8 taeg simer mitemene boot vo insle zu insle ghoppet... sind uf dene umeglofe go die tier aluege, fascht jede tag go schnorchle und sogar zweimal go tauche... mir sind 20 luet ufem boot gsi plus 10 maa bsatzig (daevo 2 guides)... tierwaelt isch aecht atemberaubend gsi... all die tier und so hutnoech, die hand sich ueberhaupt noed kuemmeret wenn id noechi cho bisch... dlandtier womer so gseh haend, gsehnd ihr uf de foeteli vo galapagos: Galapagos

vo de tier wo im wasser laebet haemer leider kei pics, aber mer haend reefsharks, rays, delfine, riesemeeresschildchroete, pinguine und jene anderi fisch gseh..

nach dere super wuche ufem noed immer ruhige boot, isches zrugg ufs festland womer grad witer sind is nachbarland peru... 27h busfahrt id hauptstadt lima... lima saelber haet eus noed so gfalle, drum simmer halt biz in usgang bis id morgestunde  :-)  nach lima isch nazca mit de beruehmte line ufem programm gstande... miteme chline flueger simer ueber die fuesballfaeldergrosse figure gfloge... highlight in nazca isch aber fuer eus s'sandboarde gsi uf de hoechste sandduene vo de waelt... noed ganz eifach saeg ich eu... als noechsts simer uf cabanaconde... de waeg haet us ueber en 4800m hohe pass gfuehrt und daenn i das chline andedoerfli am rand vom colca canyon, aem zweittuefste canyon vo de waelt... um die schoen landschaft chli choene zgnuesse haemers mal wieder mit chli trekking versuecht... abgseh vo de blattere ischs wunderschoen gsi... s'uebernachte isch au wiedermal es erlaebnis gsi, bitterchalts steizimmer... nach drue naecht im canyon ischs uf arequipa... ja und da waeret mer  :-)  huet abig gahts aber mit em bus bereits witer uf cuzco mit highlight machu picchu... s'tourimekka vo peru... nur guet isch dhauptsaison fascht verbi...

so das waers oeppe... aehma ja, es ghat eus nach wie vor blaended und mer vertraeget eus au immerno super  :-)  oh ja, da waer no de link zu de restliche foeteli...
Baños bis Arequipa

sodele, ich wuensch eu allne aen tolle herbscht  :-)  hoffe eu gahts allne guet und ja maeldet eu mal, damit mer wuesset wie langwiligs bi eu zue und her gaht...

liebs gruessli und bis bald
dani und nadja

hola de baños (ecuador)....

hola a todos...

es sind mal wieder 5 wuche vergange und ich han daenkt ich maeld mich mal wieder mit paar zeile... will mer inzwueschet doch chli witer cho sind und sogar mittlerwil suedlich vom aequator sind...

nach jaco (costa rica) simmer witer richtig suede greisst... eifach de straend nah... als reise begleiter haemer de winni (ex-schuelgspaendli) mit de denise und dregina (ex-arbeitsgspaendli) und de cyrill gha... isch doch ganz witzig gsi so zsaechste... highlight isch sicher de nationalpark manuel antonio gsi... mit wunderschoene straned und vielne herzige kapuzineraeffli... nachdem mer euse reisekumpane tschuessi gseit haend simmer aellei witer richtig tortuguero... nachere strapaziose fahrt simmer daenn doch no det acho (das dorf erreicht mer ebe nur uf em wasser weg) aber dreis haet sich glohnt... mer haend det choene de riese (ca. 1.5m lang) wasserschildkroetene chone zueluege, wie die sich ide nacht usem meer an strand gschleppt haend, sich es loch buddlet haend, ihri eier (ca. 100Stk, wovo 1 ueberlaebt!!!) dri leget, sloch zuebudlet und sich wieder de strand derab is meer schleppet... es eimaligs erlaebnis gsi... fuer all WWF begeisterete, natuerli haet mer die tier nur unter hoegste sicherheitsmassnahme und nur mit guide doerfe go luege... und foeteli haet mer au noed doerfe mache... mer haend das aber nahgstellt, wie das oeppe usgseh haet... guckst du fotos... ja nach tortuguero haemmer numal luscht uf beach gah und sind numal uf samara zrugg, womer scho mit em fink und de nici gsi sind... als freudigi ueberraschig haemer det daenn numal de winni und denise atroffe...

nach 4 wuche costa rica isch daenn euse direktbus vo san jose uf panama city gfahre... die 18 stuendig busfahrt waer gar noed so schlimm gsi.... nur de zoll isch super muesam gsi... zerscht simer 1.5h zfrue det gsi, d.h. d'costa rica sitae haet nonig offe gha... und daenn haemer a jensti orte ane muese, inkl. gepaeckkontrolle...

panama city isch noed wuerkli ae schoeni stadt.. aber mit ihrne viele bankene und zahlriche hochhueser doch mal ae abwachslig gsi... aber mer sind ja eigentlich nur waegem panama kanal det ane gange... und de isch es erlaebnis gsi... haet eus riesig fasziniert wie die riesige tanker dur dschluesene dure sind...

5 taeg panama city sind denn meh als gnueg gsi... vor knapp 2 wuche simmer aendli in suedamerika glandet.... gnauer gseit ide haupstadt vo ecuador... dstadt quito haet eus sehr guet gfalle, sodass mer doch einigi tag det bliebe sind... aber noed nur quito saelber haet eus fasziniert, sondern sganze land mir ihrne herzliche luet... urspruenglich hamer nur ca. 2 1/2 wuche welle dabliebe, jetzt werdets sicher sdopplete... ja was haemer denn da scho so gmacht... mhhh.... da ecuador ja es bergstiegerparadies isch, haemers eus noed neh lah au en chlinere huegel zbestiege... mitemene guide und emene andere paerli hamer eus uf de weg gmacht... am fuess vom berg isch eus denn klar worde, dass es noed die versprocheni sunntigswanderig wird werde.. euse guide haet eus ufklaert dass mer ca. 2000 hoehemeter uf 4200m werdet mache und das ganze ueber 8h wird gha.... isch denn hoelle straeng gsi und mir haends trotz aseile und umekraksle noed bis ufegschafft... aber immerhin uf de chli brueder vo dem huegel wo au ueber 4000m hoech gsi isch... daen simmer no uf mindo gange... es wunderschoens vogelparadis, womer mitemene guide zaeme zu richtige ornitologe worde sind (guckst du foto)... toucane, papageie, quetzal und allesmoegliche haemer gseh... haet eus au riesig spassgmacht... daenn simmer witer ad laguna quilotoa... kei lagune am meer, sondern en kratersee uf 3854m... det obe haemer au pfuset... au es erlaebnis gsi, denn det womer pfuset haend, haet kei strom gha, dspuehlig isch noed gange... vo heizig kei spur... daefuer simer riesig bechocht worde... ja und mittlerwill simer in baños, womer au scho so einiges unternoh haend, wie wandere (eimal meh, mer werdet no zu wandervoegel), riverrafting und go bike simer gester au no... das waeret so eusi latest news... isch eimal meh wieder chli en laengere reisebricht worde... sorry... aber ihr haend ja eh nuet ztue bim schaffe ;-)... bi eus gahts morn witer richtig riobamba und am 16. fuer 8 taeg ufd galapagos... juhhuuu..... mer haend riesigs schwein gah no en platz ueberzcho, will im august alli boot voellig usbuecht sind...

zum schluss da no de link zu de diashow vo eusne fotos:
Jaco bis Baños

ich oder besser mir wuenschet eu allne ae gueti zit... hoffet dass es eu guet gaht... und ja maeldet eu doch mal, freut eus immer oeppis vo de schwiz zgoehre....

liebs gruessli, hebet eu sorg und bis bald....
dani und nadja

hola de jaco (costa rica)....

hallihallo...

so han daenkt ich maeld mi mal wieder und tue eu mit de neuschte foeteli chli iversuechtig mache... und das mal wieder voll am raegne isch hani grad chli zit fuer paar zeile...

also wo waren wir denn so.... mhhhh... also sletscht mal woni gschriebe han simmer uf de insle utila in honduras gsi.. isch hammer gsi... haet eus so guet gfalle dass mer grad fascht 2 wuche det bliebe sind... viel haemer noed gmacht ussert tauche tauche und tauche... shighlight sind sicher die 2 whalesharks (ca. 7m lang) gsi womer gseh haend... und au suscht haemer so alles gseh was mer so chan gseh... manta, eaglerays, schildchroete und tausende anderi schoeni fisch... schwerenherzens haemmer daenn utila verlah und sind no paar tag uf dnachbarinsle roatan... isch aber nur halb so schoen gsi, voll touristisch und teuer... daefuer haemer numal zwei super tauchgaeng gha... mit em flueger simer daenn witer uf san jose (costa rica)... det haemer aes freudigs wiederseh gha... dae christian und dnicole sind us de schwiz fuer zwei wuche zbsuech cho... mit ihne simmer denn mit em auto dur costa rica gfahre... isch mega cool gsi, vorallem mal wieder so unabhaengig si und mit em auto det ane choene womer grad wet... mit sind denn grad an atlantik uf puerto viejo... cools doerfli gsi... daenn witer zum vulkan irazu... super hotel haemer gah... tzzzz.... (isch seinzige wit und breit gsi) es isch uf 3100m gsi... mir sind die  einzige gaescht gsi und es haet kei heizig gha... mit schlafsack, 3 deckene, pulli und hose haemer daenn einigermasse choene pfuse... daefuer am noegste morge isch de vulkan prompt noed im naebel gsi und mir haend paar huebschi foeteli chone mache... denn ischs witer an vulkan areanal... de waer no aktiv, doch ussert es poldere und rumore und chli en rote lavaflum ufem vulkan haemer noed viel gseh... wenigstens isch er noed im naebel gsi... witer ischs gange in norde in nationalpark rincon de la viaja... det haemer ae canopytour gmacht wo voll de fun gsi isch... da klinkscht di a so stahlseil a und faetzisch die derab... am beste guckst du fotos... daenn simmer natuerli au nochli go laufe und wandere... haengebrugge und bluberndi schlammloecher sind nur einige highlights...

wems langsam langwilig wird vo mim gelaber... daenn mal zwueschetdure de link zu de foeteli...
Utila bis Jaco


witer ischs an pazifik gange... in samara haemer denn die relativ einsam bucht gfunde zum baedele.... isch mega schoen gsi und mir haend paar tag usgspannt... und haends mal wieder mit surfe probiert... damal sogar mit zuenehmendem erfolg...  :-)  zum schluss simer denn no uf montezuma, au es mega haerzigs doerfli, womer numal en tag am beach verbracht haend... netterwis haend eus sfinke no bis uf jaco gfahre (muchas gracias eu zwei)... leider leider haends denn aber scho wieder hei muese und mir haend nach 2 super wuche wieder muese tschuessi saege... sniff sniff...

defuer haemer bereits wieder anderi alte bekannte troffe... friedlich gester am znacht chunnt doch de winni zlaufe, womer eigentlich erscht am mittwuch erwartet haend... cool gsi scho wieder es bekannts gsicht vo de schwiz gseh... und huet morge haemer no de cyrill und dregina (ex arbetskollegin vo de nadja mit fruend, womer scho uf utila troffe haend) troffe...

ja und ez simer ebe in jaco... grossi plaen haettet mer "gha"... obwohls eus da in jaco noed so gfallt, haemer eus es apartment mit chuchi organisiert, eus fuer en spanischkurs agmolde und vor gha 1-2 wuche da zbliebe... doch huet morge 1 stund bevor euse unterricht agfange haet haemer eus umentschiede... mir reiset mit de regina und em cyrill uebermorn doch witer de kueste entlang richtig suede... ja und denn mal luege womer no anegoend bevor denn scho die zweiti haelfti vo ueserer reis in suedamerika witer gaht...

so ihr lieben... das waeret eusi latest news... ah ja hani fascht vergaesse, es gaht eus nachwie vor suuuuuuuupppppppppppeeeeeeerrrrrrrr... isch eus nonig langwilig... goend eus nonig uf de geist.... haend no gneg gaeld (meh oder weniger  ;-)  ).... und vermisset dschwiz nonig... ok sletschte stimmt noed ganz...  :-) 

ich wuensch eu allne en no en guete summer... hoffe mal was zghoere vo eu... und die wod dsummerferie no vor sich haend, viel spass... all andere... hahaha, viel spass bim schaffe...  :-) 

machets guet... und ganz en liebe und sunnige (ok es raegnet grad immerno bi eus) gruess vo costa rica....

daeniel und nadja....

hola de utila (Honduras)....

hola suiza...

han daenkt ich probiers mal wieder und schrieb eu husch wies eus da so gaht... chans vorne weg neh.. immerno super...  :-)
also sletschtmal han mi vom haessliche acapulco gmaeldet gha... nach acapulco isch es witer uf puerto escondido gange... das surfermekka vo mexico... mir haends natuerli au mal wieder probiert, mit meh oder weniger erfolg... nachere wuche baedele und ebe surfe simer witer richtig guatemala... zerscht an lago atitlan.. dfahrt det ane isch zimli uebel gsi... 22h fahrt... oeppe 8 verschiedeni bues, inkl. denae super aenge, vollgstopfte chicken buses... und euses gepaeck isch dur und dur nass gsi.. wills graegnet haet und sgepaeck ufem dach vom bus gsi isch... naja mir haends daenn doch no gschafft... de see isch mega daefuer schoen gsi...  mir haend chli bootstuerli zu de umligende staedli gmacht und sind nochli go wandere... daenn ischs uf antigua gange... au es herzigs staedtli... vo dete haemer die obligate touritoure gmacht... zerscht an maert uf chichicastenango und daenn no uf de vulkan pacayo... de vulkan isch no es erlaebnis gsi.... erstens isch vom vulkan ueberall lava abegflosse und er haet au mal churz inere riese fontaene obe lava usegspuckt und zweitens womer ufem vulkan umegloffe sind haet eus de naebel ueberrascht und eusi gross gruppe haets so usenand grisse dass mer alli voellig verlore gsi sind,
will de naebel so dick gsi isch... nach guet 30min haet eus euse fuerer daenn wieder alli zaeme gha... ufem waeg nach flores simer zerscht no uf coban, die schoene wasserfaell und pools aluege... zflores haemer die schoene ruine vo tikal wo zmitzt im dschungel sind gseh.... vo det ischs a eusi letscht destination in guate gange, uf livingston... isch no es witzigs doerfli, so voellig karibisch aghucht... mit villne rastaman, wo so laessig aenglisch redet.. ya man  :-)  ja und daenn isches mitem bus und faehre richtig honduras gange womer am samstig au prima nach 14h uf de isla utila acho sind... ja und ebe uf dere insle utila gfallts eus riesig... isch volls paradis... sone chlini karibikinsle mit nur eim doerfli druffe... voll
touristisch, aber sind alli voll locker druf und haet praktisch nur budget travellers... uf dere insle wird eigentlich nur eis gmacht und zwar taucht.... so und ez mach ich eu chli iversuechtig... also mir wohnet naturli grad am meer... meerblick vom bett us verstaht sich vo saelber... ja und die insle isch sowas vo billig... euses zimmer chostet 8$... ein tauchgang kostet 18$... eas riese T-bone steak inkl. jene bilage 5$.... aes bier 1$... aen bacardi-cola 1$... ihr verstoend das mir ez also nochli dabliebe werdet  :-)   bevors deann i 1-2 wuche uf costa rica gaht....

da no paar foeteli, leider no kei vo utila....
Acapulco bis Livingston

mir wuenschet eu no e gueti zit... hoffe de summer isch aendli cho... und ja waet schoeni summerferie... und allne andere viel spass bim schaffe  :-) ...bis gli wiedermal und hebet eu sorg...

liebs gruessli
nadja & daniel

hola de acapulco (mexico)....

hola mitenand...

so ich hoffe es gaht allne guet... han daenkt ich maeld mich mal wieder und schrieb sones laessigs mail, damit ihr wuesset wie guet dass es eus gaht.... :-)
also nach playa simer mal chli zerscht richtig suede uf tulum... chli go baedele... es hamer bungalow haemer gha... am beste lueget ihr dfoeteli a, link guckst du unten... isch wie im film gsi, einsam und verlasse... daenn haemer no ane traditionelli maya-hochzit choene... dae vater vo de homestay-mother vo de nadja haet ghueratet gha... isch no speziell gsi... alli luet in wis... aber haet spass gmacht... nachher simme witer richtig nordweste vo de halbinsle yucatan, uf merida... chli ae stinkigi stadt, drum simer au nur go druine vo uxmal aluege und daenn ab uf palenque... au det haets mal wieder sehenswerti pyramide gha... aber die sind aecht schoen gsi... mir sind daenn paar tag det bliebe und sind go rite und haend en tagesusflug an aqua azul (so wasserfaell gmacht)... nach dem ich mis natel mal wieder verlore han (bin ez also natellos bis am novemeber) simer wieter id berge uf 2100m uf san cristobal... wieder mal schoen gsi, dbadeshorts und dflipflops abzieh und richtigi hose und schue alege...  :-)  isch mega schoens doerfli gsi... und mir sind go bike und sonen canyon go aguecke... daenn simer via veracruz (superhaesslichi stadt) uf mexico city... dnadja haets daenn mal no zimli heftig mit durchfall, buchweh und fieber verwuetscht... aber mir sind ja vorbereitet gsi und haend mitteli debi gha... mich haets au chli gstreift, aber bin au wieder topfit... zmexico city haemer imene super hostel gwohnt mitte ide stadt mit dachterasse.... echt cool gsi... suscht simer mal god pyramide vo teotihuacan (aecht imposant!) go aluege und inen vergnuegigspark a la europapark... die haend daenn ae ahnig vo bahne baue da une... zum bispiel isch mer also nach de raftingbahn pflutsch und durch und
durch nass... aber isch big fun gsi... suscht isch mexico city solala gsi... mega verkehrs chaos... und ueberall die strassestraend... hani doch no nie gseh... a jedem eggae idere stadt.... daefuer isch dstadt, entgaege dem wo alli verzellet, zimli sicher... respektiv mir haend noed eimal sgfuehl vo unsicherheit gha....mir haend denn mexico city verlah und sind richtig acapulco gange... also gnauer gseit uf pie de la cuesta, isch 12km ob acapulco.... mega friedlich und super strand mit riesige waelle... leider nix zum surfe... acapulco isch zimli haesslich, han das chli anderscht vorgstellt gha... mega viel verkehr, es riese chaos und au mega
draeckig....und am strand ein hotelbunker am andere... dafuer sind d'klippespringer wo sich vo 35m id tuefi stuerzet huere cool gsi... ja und ez simer wie gseit in pie de la cuesta und haend huet de tag am strand gnosse... ok das ganze toent ez zimli lasch was mir da erlaebet, aber verzell eu daenn gern no gnauers ueber all die erlaebnis und idrueck... aber es isch scho so, in erster linie gnuesset mers eifach da une... aber damit ihr en iblick i das ueberchoemet da de link zu den neuste foeteli...

Tulum bis Mexico City


natuerli freuet mir eus au immer ab news vo de schwiz und wies eu gaht... hoffe bi eu isch de summer au scho oeppe cho...

morn gahts bi eus wieder witer uf puerto escondido... das lit au ade pazifikkueste und det wemer so ae wuche bliebe und chli surfe...  :-)  mir freuet eus scho mega.... ja und nachher gahts bereits uf guatemala....

so das waeret eusi news in kuerze... wenn ihr meh und gnauers wennd wuesse nur froege... ansonste wuenschet mir eu ae geuti zit hebet eu sorg und bis bald mal wieder....

liebs gruessli
nadja & daniel

hola de playa del carmen (mexico)....

hola chicas y chicos...

so wie ghats eu daenn allne aeso? ich hoffe doch guet... eus gahts quasi sensationell... ich bin problemlos da in playa del carmen acho und han es xtrems freudigs wiederseh mit de nadja gha...  :-)ich bin ez bereits ae wuche da, chunnt mer aber scho duetlich laenger vor... mir wohnet grad no bi de family vo de nadja, sind mega herzlich all die luet da... suscht isch playa del carmen sehr touristisch, aber isch grad guet so zum afange... so chan mer sich langsam ade kulturschock gwoehne... letscht suntig simer uf de isla mujeres gsi, ich mega herzigs inseli und mir sind mit eme golfcar umegfaetzt isch mega witzig gsi... ja und suscht haemer die wuche noed viel schlaus gmacht....  :-)  eigentlich nume tauche und ade playa umeligge und natuerli no biz usgang... stauche isch aecht de hammer gsi... han grad mal rasch sadvanced gmacht.... vorallem de tauchgang womer mit 15 childchroetene umegschwumme sind isch mega gsi.... und ich het noed denkt dass ich so schnaell wieder ine hoehli chume, aber bin doch tatsaechlich go hoehletauche gsi... also zenotes heisset die da und das isch so dae igangsberich vonere hoehli... isch mega speziell gsi aber haet spass gmacht... morn gahts witer richtig suede und zwar nach tulum... det machet mer mal paar tag badeferie und erholet eus vo dem stress womer da gha haend...  :-) mir sind schliesslich bis ez jede morge vor de achti ufgstande... ok viel laenger chan mer amel noed schlafe, will es isch mega maessig heiss und fuecht... ja das waeret so in kuerze eusi news... wet eu naemli au nueme laenger plage mit "wie guets ues gaht :-)"... und usserdem weti langsam an strand  ;-)  wenn ihr wend gseh wie guet mirs haend daenn haets da link mit paar fotene vo eus:

Playa del Carmen

mir wuenschet eu allne e gueti zit... hebet eu sorg und mir freuet eus mal was vo eu zghoere...

hebet eu sorg... liebs gruessli nadja + daeniel....