Donnerstag, 30. April 2009

reisevorbereitungen...

wer schomal ä längeri reis plant hät, weiss vo was ich rede... vo wäge vorfreud isch die schönschti freud... tzzz... finanzkrise, schweinegrippe und dänn all die viele sache womer mues erledige damits dänn uf de vermeindliche reis au rund lauft... also überlegets eu guet, wenn ihr würkli länger wend verreise... :-)

aber da mal ä ganz chlini übersicht vo allem womer so mues dra dänke, wenn mer länger uf reise gaht... mal abgseh vom wichtigste, nämli dä flug bueche :-)
  • wohnig chünde (inkl. mieterkaution zrugg verlange)
  • job chünde
  • Freizügigkeitskonto irichte
  • cablecom chünde
  • sunriseabo apasse
  • billag abmälde
  • husratversicherig chünde
  • privathaftplichtpolice apasse
  • abredeversicherig mache
  • krankekassepolice apasse
  • mitteilig mache ad gmeind
  • militär uslandufenthalt igehe (nöd ganz so eifach)
  • ufs stüramt go alles reglä
  • autoversicherig chünde
  • Autonummer zruggschicke (auto abmälde)
  • int. fahruswies bstelle
  • Post umleite
  • Mitgliedschafte chünde
  • numal zum Zahnarzt, Dökti und Optiker
  • etc.

tja leider isch das aber nöd alles... will dänn gits ä reihe institutione womer sini adrässe sött ändere wie Bank, Post, TCS, NZZ, REGA, Paraplegiker, Switch, Gmeind, etc... mit dem aber nicht genug, dänn wo chunnt das ganze inventar hi??? hääää... entweder irgendwo istelle oder wie ich s'zeugs bi verwandte und bekannte istelle... besten Dank... tja alles mobiliar chan und wet mer ja nöd istelle...
und drum mues mer seinte oder andere verchaufe und verschänke... bi mir hät zum bispiel s'bett, dä TV (sorry Fink) und s'Auto müese dra glaube... und jawohl äs hät no öppert ghe wo gäld für da auto zahlt hät :-)


und dänn zu guter letzt mues mer alles ha was mer halt so brucht fürd reis... und das isch nöd zunterschätze... au da ä chlini ufzellig: Rucksack, Schlafsack ,Thermowösch, atmigsaktivi Libli, Windstopper, Softshelljagge, Goretex Jagge, Trekkingschue, Sideschlafsack, Taschelampe, Netbook, Digicam, jene Medikamänt, Linse, und die liste hört nüme uf...

und wenn dänn das alles bereit isch und erledigt dänn heisst warte und warte bis es los gaht... i eusem fall no genau 20 täg :-) tja und dänn heisst: adios amigos...

FAREWELL RUSH...


ä sones reisli mues mit ämene richtige abschiedsapero begosse werde... da mir ja bekanntlich vo zwei verschiedene ort sind, gits au zwei apero's... d'location chönder wähle, hauptsach a eim sinder däbi :-) also träget üch doch eis vo dene datene i euri agända i... für food und drinks isch gsorget... gebet doch bis ändi april bscheid ob ihr däbi sind
... mir freued üs wenn mir mit dir chönd astosse, irgendwenn zwüsched äm 6pm, resp. 4pm und äm 4am... lueg doch eifach mal ine...

... farewell-rush @ däni's place ...

Mittwoch 20. MAI 2009
(vor Auffahrt) ab 18h00
KRAMENWEG 18, JONA
amäldig a: farewelljona@nadagoesworld.ch

... farewell-rush @ nadja's place ...

Samstag 23. MAI 2009 ab 16h00
HOLZHÄUSERNSTRASSE 5B, HÜNENBERG

amäldig a: farewellzug@nadagoesworld.ch







Montag, 20. April 2009

HSR - E2000 - Kulturreise 2009.... hamburg...


bevors uf india ghat, han ich dänkt ich brüchi no bizli europäische usgang... und darum isch die obligat kulturreis vo dä hsr agstande....




tja, wie gseit händ sich au das jahr wieder 8 ehemalige e2000-studänte (also eigentlich 7 und no ein komische vom e2001) uf die jährlichi kulturreis gwagt... s'ziel isch gsi, dass niemert überfalle wird... voila, hämer für eimal au gschafft...



hamburg die hafestadt an der elbe... eigentlich würkli ganz nett... guet mir händ au 3 täg kei wolke gha... schöni sach gsi, au wenn d'reeperbahn chli ä entüschig gsi isch... einzigs highlight adere bekannt strass isch für eus d'9er currywurscht gsi... ich han dänkt ich mües sterbe, so scharf war das ding...




eigentlich isch es ganz es gemütlichs weekend gsi... eigentlich fascht scho zu gemütlich... zum glück hät eus a eim abig dä guet long-island gretted.. und am zweite namitag, dänn dä dear old friend vodka... wobi da zsäge wär, dass es nöd allne würkli guet tue hät... aber au wenn d'reeperbahn nöd super gsi isch, häts doch viel schöni plätzli gha... dä hafe natürli und dänn das neue quartier wo ide letschte jahre entstande isch, hafen-city... amene schöne tägli, isch au de elbstrand sehr z'empfehle....





usgangmässig häts rund um d'reeperbahn vieli barene... dä sommersalon isch da ä top location, je nach usgseh chunnt mer aber nöd inne :-) ide früe morgestunde het dä goldig pudel no offe, isch aber chli ä komischi adrässe... oder am sunntigmorge isch dä fischmärt natürli än guete place, wos erstundlich abgat, mit band und tanz...



all in all ischs wieder än guete, wenn au stränge, und lustige usflug gsi... bliebt nur hoffe, dass es nögscht jahr wieder äs kulturreisli git, mal luege ob südafrika oder ebe doch tel aviv ;-)