in vieler hinsicht isch ja india chli rückständig, aber das mer züg problemlos übers internet chan bueche sig do doch als sehr fortschrittlich erwähnt :-) eimal meh hät d'reservation problemlos klappet und mir sind mit em luxuriöse nachtzug (mit klimaalag) also richtig küste abe... dä zweite teil vo dä reis nach diu hämer dänn aber mit em bus müese zruglege und de hät sis ablaufdatum definitiv vor jahrzehnte erreicht...
finally simmer dänn doch in diu town acho, uf dere bis vor 40 jahr no portugiesische insle... bis uf dä freii alkoholuschank (isch in indie leider nöd überall sälbstverständlic
h) händ portugiese leider nöd viel hinderlah :-) mit em velo hämer die würkli no schön und gemütlich insle erkundet... mir händ die paar täg am meer richtig gnosse, obwohl mit bädele und sünnele nüt gsi isch... einersits isch s'meer ziemlich wild, aber dä hauptgrund isch meh, dass bi dä inder scho d'auge usegeihet wenn d'nadja nur scho äs trägershirt ahät (drum isch sie au bi 40 grad mit langarm unterwegs-:)... so hämer halt chli suscht relaxt, beaches-sightseeing gmacht und das super fort agüxlet...ah ja und s'wätter... mir würdet eus wünsche all die lüt hettet rächt gha und äs wür mal chli rägne, damits chli abechüelt... sit drü täg simmer ez da in diu am schwitze und ussert sunne hämer am himmel nonig viel gseh :-)
2 Kommentare:
Hi Nadja und Dani, merci tuusig, dass ihr üchi Erläbnis mit üs teiled. Ich mues säge, ich bin scho fascht es bitz süchtig nach üchne Bricht und Föteli. Ich bin mir sicher, dass es ihr zwei super guet händ, au wenn es in Indie sicher nöd immer eifach isch. Hey gnüsseds und hebed üch sorg! Bis bald! Rebecca
hey ier zwei,... send ier immer no am vergase ?? isch scho grad echli krass langarm UND MIT TURBAN ume cruise!!! aber nuddle geils velo hesch usgläse! mit velo chörbli ;-)) mier düset morn uf Agno go cämpe und am Donnstig gahts au ad wärmi uf ägypte !! nachher müend mer denn nomol probiere skype!!! hebet euis sorg und ned zvell wärmi!die arme inder müend de schwiizer schweiss schmöcke ;-)))) HAHAHAHAA!!! immer die mit ihrne super kommentär gäll ?? ;-)) löv u too!!!!!! x x x x xschmutz vom nicci
Kommentar veröffentlichen