Donnerstag, 23. Juli 2009

Tag 56 bis 60: Trekking Poon Hill (Pokhara, Nepal)

Tusigi Wanderer findet jährlich dä weg nach Pokhara, äm berühmtischte trekkingmekka in nepal.... ade travellermeile „lakeside“ in pokhara wächslet sich shop's, restaurant's, guest houses und trekking-agencies ab...

die schlächtischti zit für es trekking in nepal isch juli... voila, wiedermal super plannet ;-) gmäss reiseführer und diverse usage, söllet dänn d'himalayische berge permanent ide wulche si und dä monsun söll tag für tag sini arbet leiste... s'guete a dem isch aber, dass es dänn nur paar wenigi touris ume hät...


mir händ eus vo dere schwarzmalerei natürli nöd ischüchtere lah.... zäme mit emene

ami hämer än guide aghüret und eus uf de weg id berge gmacht für än 5 tagestrek... doch bereits am erste tag hät eus dä monsun bitter blüete lah... mir sind scho ufem zahfleisch glofe und dänn usem nüt use räge... anstatt achttusiger hämer bächwis wasser gseh... plutschnass hämers dänn doch no i die überraschend luxuriös lodge gschafft...


uf dass es euse einzig räge hät sölle bliebe, het au euse guide kein nepali rupie gwettet... dänn abem zweite täg hät eus jewils am morge dä annapurna-range aglacht... eifach idrücklich wenn mer dur dä himalaya lauft und rächts und links über achttusig meter höchi berge empor stieget...




zimli stinkig und die einte mit meh und die andere mit weniger muskelkater :-) simer nach 5 täg wieder zrugg uf pokhara... bis jetzt isch das sicher eis vo dä grosse highlights gsi vo eusere reis...


1 Kommentare:

Dani Mayer hat gesagt…

Hey Ihr zwei, mir wuensched euch wiiterhin e gueti Reis und viel Spass. Mir freued eus immer oepis vo euch zlese und gnuessed natuerlich au die Ziit. Ich gsehn scho mir reised eus langsam entgege... Kuss Dani und Nathi (DANA)

Kommentar veröffentlichen