Tag 93: Hong Kong (China)

ja leider hämer die schöne beache und s'tauche uf Koh Tao müesse hinter eus lah... aber es sind super erholsami ferie gsi :-) witer ischs gange uf Hong Kong... und die City isch eifach wooooowwww... super modern und alles isch dure organisiert... die stadt bestaht us eim riese grosse shoppingcenter, ei mall reiht sich a die ander... und au suscht hät die staht mega viel zbüte... mir fühlet eus richtig wohl nach dem chaos in indie...


gnau 3 Mönet simmer ez unterwegs und äs isch eifach fantastisch gsi, mir sind froh gahts no äs wili witer äso :-) aber ez heisst zerst zwei mol Abschied neh... nöd nome vo HK, sonder au vonenand... d'Nadja gaht für än churze abstächer (3 wuche) hei id Schwiiz und dä Däni macht sich richtig Australie uf, um mit em Fink chli go sörfe und trinke :-)

Tag 84: Koh Tao (Thailand)

für alli wo tag i tag us am schaffe sind, mags wohl chli paradox klinge, aber au vom reise mues mer sich vo zit zu zit erhole... vorallem nach indie (und nepal) isch mer froh wenn mer paar tag chan usspanne...

gesagt getan hämer dä flüger vo kalkutta richtig bangkok gno... ralaxe ade beach, easy going ade strandbar und fisch bestune under wasser, das isch dä plan gsi... voila und da wäret mer ez... zwei wuche ferie vom reise in koh tao, dä taucherinsle vo thailand...

bangkok (oder besser khao san road) hämer so schnäll wie möglich hinder eus glah... touris zu tausenden und luti technimusig vo allne eggäne... horror oder eifach zviel für de erst momänt... au uf koh tao reihet sich tauchcenter, hotels und restaurants anenand, aber die schön beach, s'super wätter und di eifach phantastisch unterwasserwält gebet dere insle doch än gwüsse charme... uf all fäll gnüssed mir eusi zwei wuche „ferie“ bevors dänn witer uf hong kong gaht

Tag 70: Sauraha (Chitwan Nationalpark, Nepal)

Junglespaziergang ufemne elefanterugge!!!!! Wer will das denn scho nöd mache. Nach dem mer ca. 20 komissions-hotel-bsitzer-taxi-fahrer- ich-mache-alles-manne zum tüfel jagt händ, hämer en wunderschöni lodge diräkt am fluss mit blick uf jungle gfunde. Au grad näbem üsem hotel häd stägliche elefante bad statt gfunde. mer händs üs nöd entgoh loh, zum mit dene riise graue tier go bade. Übrigens d'elefante badet au ohni turis...isch also nöd nome für üs häre zauberet worde ;-)

Nashörner, Pfaue, Wildschweine, Affe, Krokodile, Pferdehirsche und pünktletli reh... hämer alli i ihrere freie wildbahn chöne ufemne rugge vomne elefant beobachte. Schade, isch üs kein tiger über de wäg gloffe. Mer händ aber scho freud gha, wenn ganzi elefanteherde dürs dorf gspaziert sind...