Donnerstag, 8. Oktober 2009

Tag 137: Great Barrier Reef (Australia)

Wenn mer in Australie isch, dänn ischs tauche am Great Barrier Reef äs „must do“... voila und so simmer für 3 täg vo cairns us uf dä schwümmende palast, dä ocean-quest... mitgno hämer au euse bsuech d'gabi vo zug und dä (f.u.) päde vo zug (ehemals rüti)... mit dene kurrlige reisegspändli werdet mer die nögste vier wuche richtig sydney reise...

aber zrugg zum tauche... es hät ja gheisse es seg es chillout-boot... wars aber nicht... mit 3 mahlzite am tag und 5 tauchgäng, simmer froh gsi, wenn mer am abig doch no zit gha händ für äs paar bier und übertürte rotwi :-) aber schön isch es gsi...


d'nadja isch sich immer fliessig vorem triggerfisch am verstecke gsi, d'gabi hät ohni erfolg dä safetystop g'üebt und dä patrick hät vergeblich versuecht än hai vord dlinse z'bringe... tja und ich, mhhh... ich han doch tatsächlich au schiss gha uf dä nachttauchgang zgha... und zwar wills vor grey sharks nur so gwimmlet hät... isch dänn aber doch ohni angstbisi gange :-)


2 Kommentare:

Anonym hat gesagt…

kuuuuul, ich will doch au wieder go tauche...!! Daniel, heissi Etikette...! Hesch du dich für d Grey Sharks beschriftet oder hed dich d'Nadja unter Wasser nömä erchänt...?

no meeeega viiiil Spass üch Zweine!!!!
Grüessli Rebecca

Anonym hat gesagt…

Hey ier vier ! Läck tönt ja alles hammer ! vorallem well ich die schöne stränd vo whitsunday und sgreatberrier reef grad weder vor mier han !! und dani, dini kommentär send zum schreie! ;-) das mit em safteystop wett ich denn no gnau wüsse ;-) dnaddl chan ich mier grad vorstelle mit ihrere trigger phobie ;-))) ich hoffe mier erläbet denn in thailand au so lustigi episödeli ;-) ich han set gester ferie.. und ben am chränkele... toll! aber chund scho weder ! bi üs isch inzwüsche arschchalt und ohni winterjacke gaht gar nüme! aber denn möget mier eui doch die warme temperature umso meh gönne !!! und ez send ier in byron bay echli am kiffe ;-)??? hoffe uf baldigi news !!!! vermisse eui!!!! üches nicceli

Kommentar veröffentlichen