Tag 212: Byron Bay (Australia)

nachem räge schinnt d'sunne... australische summer, mir sind immerno entsetzt... so hämer eus das bestimmt nöd vorgstellt... stundenlanger regen hät euses zält leider nöd usghalte, aber mit biz improvisation, und güselsack marke migros, isch au das keis problem gsi:


mittlerwil isch aber s'dauertüf witterzoge und d'sunne zeigt sich zumindest sit zwei täg ab und zue... mer git sich ja fängs mit wenig zfriede... als schönwättersurfer macht so au s'stundelange geplantsche no meh spass... doch leider isch ebe gnau das surfbädele, dä nadja zum verhängnis worde und ä fiesi, nei nöd nur fies sonder richtig gemeini "blue bottle jelly fish" (auch bekannt als portugiesische galeere) hät sich um ihre fuess g'wicklet... zimlich schmerzhaft hät sie das ding für äs paar stund lahm gleit...

Tag 202: Great Ocean Road (Australia)

än witere tag mit viel auto-kilometer staht a... und wen wunderts (eus nümä) än witere schlächtwätter-tag... nun ja, sex wies well... nach ämene stränge surftag in port fairy (wos au nur grägnet hät, aber zum glück isch nass im nass nöd so tragisch), isch chli relaxe bim autofahre ganz oke...


nur mit im auto höckle isch dänn aber nix gsi... schliesslich isch mit dä great ocean road, eis vo dä highlights vo australie agstande... und d'lookouts händ im kilometerabstand uf eus gwartet... und so häts geisse: usstiege – gucken – foto – istiege – witerfahre...


de küste abschnitt vo dä great ocean road, mit dä bekannte „twelve apostels“ (wo eigentlich nur no 6 sind), isch aber doch beidruckend und das bsunders bi schlächt wätter... dänn mit wind im haar und wasser uf dä rägejagge würked di steile felswänd und die donnerndi brandig erst rächt...

Tag 198: Kangaroo Island (Australia)

drü reisendi uf dä suechi nach sunne möched sich uf in australisch summer... um uf nummer sicher zgha reiseds in trochnigste staat (south australia) vom trochnigste kontinet... sommer, sonne, sonnenschein??? weit gefehlt... statt blüttle und körpertemeperatur mit ämene chüele bier reguliere, heissts rägeschutz montiere und früre bi under 5° ide nacht...

aber i schüchtere hämer üs vo dem grüüsige wätter nöd und händ üsi Kangaroo Island reis prima düre brocht... zwar hämer de platypus im wasserloch am morge am 7ni nöd gfunde, aber defür hämer am ussichtspunkt en feine kaffi gnosse und so wenigstens die andere lüüt nidisch gmacht :-) ganz erfolgriich simmer bi de koala suechi gsi.... gheisse häds, es heigi zwüsched 20 – 25 stück – händ üsi gschuelte tierauge doch tatsächlich 17 stuck gfunde wo anderi nöd eine gseh händ...tja mits POHO's sött mer uf de kuala wäg...

die wisse sanddüne “little sahara” händ de sandro natürlich sofort begeisteret zum sich mol es sandboard z'miete. Meh als es paar mol ohni kurve abe fahre, es kilo sand is auto schleppe und öpe echli rugge weh vo de abschlusssalto nach jedere abfahrt isch aber au bi ihm nöd drin gläge...er bliibt also bim snowboarde!




Die viele fuule seeleue und seehünd händ sich vo üs nöd beidrucke loh und händ wiiter gschnarchlet. Pelikanfüätterig...tzzz, das häd üs weniger idruck gmacht als am sandro werum aber au nöd....uuuupppsiii, mer händ üsi ussag müsse revidiere und chönd ez säge...WoooW so grossi pelikan mit so wunderschöne grosse bruun schwarze auge hämer doch au no nie gseh! mit vielne neue idrück und abentürliche täg simmer wieder zrug in räge ufs feschtland...

NADA wünscht merry X-mas & happy new year...

NADA wünscht viel erfolg mit em samichlaus, ä gemütlichi adväntszit mit ämene finale gschänkliräge zu wienachte und natürli än füecht fröhliche rutsch is neue jahr... mir fieret das ganze das jahr bi über 30° ade stränd vo australie... eusi x-mas und happy new year wünsch guckst du auf video unten...

Tag 187-193 Outback (Australia)

ä reis nach australia ohni outback isch wie... mhhh... wie skifahre ohni kaffischnapps :-) um das gfühl vo dä wiiti mal richtig z'gspüre, händ mir eus mit em auto und äm sandro im gepäck, vo adelaide us uf die 1'600km (pro Weg!!) langi strecki zum ayers rock gmacht... schnurgeradi strass mit links und rächts chli gebüsch und roter erdä, kei wolke am himmel und kei klimaalag im auto, toti kängis und chüe am strasserand und däfür viel viel z'viel flüge überall...


natürli simmer nöd nur wägem ayers rock ä wuche im outback umegfahre... halt hämer au gmacht ide wüestestadt coober pedy, wo d'nadja mit dä wünschelruete nach opal gsuecht hät... leider erfolglos :-)









s'highlight im nüt usse vom outback, isch aber klar dä ayers rock gsi... äs wunderschöns naturschauspiel wenn de monolit bi sunneuf- und untergang kontinuierlich s'rotspektrum vo dä sunne reflektiert...


beniede vo allne andere touriste hämer eus das naturdrama bi sunneuntergang mit wein und bier im campingstuel aglueget und bi sunneufgang mitemene usgedehente früestüeck :-)