Tag 67: Kathmandu, Nepal

wer sich d'hauptstadt vo nepal als chlini und herzigi stadt irgendwo imene himalyische Tal vorstellt lit zimli falsch... viel meh isch äs ä asiatischi grossstadt mit allem wo däzue ghört (wie dräckig und lärmig), aber trotzallem hät sie chli charme... dänn wenn wer uf entdeckigsreis gaht dur die ville chline gässli und innehöf de findet zig tusigi chlini tämpel und gottesskulpure... und au suscht gfindet mer in und um kathmandu jede menge grossartigi tämpelalage...

Im Touristeviertel Thamel häts dänn aber meh Hotel und Restaurants, aber mir händ eus dennoch wohl gfühlt, ändli mal wieder innere Bäckerei chöne z'morge z'ässe oder zum z'nacht mal wieder äs richtigs stuck fleisch z'vertrucke...(das häd vorallem de dani sehr gfreut ;-))

Kathmandu bliebt eus aber dennoch mit gmischte gfühl in errinerig: erstens wills fascht permanänt am rägne gsi isch, zweitens will d'müllabfuhr für ä wuche grad gstreikt hät (stink!stink!) und drittens will d'Nadja mit verdacht uf ä tropischi Krankheit is Spital hät müsse... nachemene umfassende und türe untersuech mit bluetanalyse isch dänn aber entwarnig cho... und so simmer wieder fit und munter witerzoge :-)

Tag 56 bis 60: Trekking Poon Hill (Pokhara, Nepal)

Tusigi Wanderer findet jährlich dä weg nach Pokhara, äm berühmtischte trekkingmekka in nepal.... ade travellermeile „lakeside“ in pokhara wächslet sich shop's, restaurant's, guest houses und trekking-agencies ab...

die schlächtischti zit für es trekking in nepal isch juli... voila, wiedermal super plannet ;-) gmäss reiseführer und diverse usage, söllet dänn d'himalayische berge permanent ide wulche si und dä monsun söll tag für tag sini arbet leiste... s'guete a dem isch aber, dass es dänn nur paar wenigi touris ume hät...

mir händ eus vo dere schwarzmalerei natürli nöd ischüchtere lah.... zäme mit emene

ami hämer än guide aghüret und eus uf de weg id berge gmacht für än 5 tagestrek... doch bereits am erste tag hät eus dä monsun bitter blüete lah... mir sind scho ufem zahfleisch glofe und dänn usem nüt use räge... anstatt achttusiger hämer bächwis wasser gseh... plutschnass hämers dänn doch no i die überraschend luxuriös lodge gschafft...

uf dass es euse einzig räge hät sölle bliebe, het au euse guide kein nepali rupie gwettet... dänn abem zweite täg hät eus jewils am morge dä annapurna-range aglacht... eifach idrücklich wenn mer dur dä himalaya lauft und rächts und links über achttusig meter höchi berge empor stieget...

zimli stinkig und die einte mit meh und die andere mit weniger muskelkater :-) simer nach 5 täg wieder zrugg uf pokhara... bis jetzt isch das sicher eis vo dä grosse highlights gsi vo eusere reis...

Tag 53: Lumbini (Nepal)

Die erste meter in nepal sind balsam für eusi travellerseel... mer chan dur d'strasse laufe, ohni dass mer aglotzt oder agsproche wird... unglaublich de unterschied innerhalb vo äs paar hunder meter um die indisch und nepalisch gränze... wo mer natürli z'fuess überquert händ...







nach varanasi simmer so spirituell inspiriert gsi, dass en bsuech am geburtsort vom buddha (Lumbini) nöd hät dörfe fehle...okee, isch dänn eimal meh doch nöd so ä erlüchtend gsi, aber trotzdem ganz spannend... dänn über äs dutzend wältwiti komune händ rund um de geburtsort verschiedeni tämpel und stupas baut... so hämer, eimal meh mit em velo, die landestypische gebätshüser vo thailand, kambodscha, sri lanka, myanmar, dütschland, china, indie, japan, etc. chöne bestune...

Tag 51: Varanasi (Uttar Pradesh, India)

Nach de sexuell sehr animierende skulpture in khajurao, hät eus de weg is spirituell no meh inspirierendere varanasi bracht... wobi mir nach wie vor ufd erlüchtig wartet :-)

varanasi ansich isch aber ganz nett: wie immer in indie äs riese puff, chaos und dräckig! Dank dem dass die stadt am heilige fluss ganges lit, hät varanasi doch än gwüsse scharm... für de hindu isch varanasi superheilig, denn wenn mer i dere stadt stirbt, chunnt mer diräkt is nirvana und wird nöd wiedergebore... für eus touris isch das zimli idrücklich, dänn di tote werdet öffentlich am ufer verbrännt und d'äsche nachher in ganges kippt... doch äs komischs gfühl chöne hutnöch dene verbrännigszerenomie zuezluege...

ues hät jedoch nöd viel in varanasi ghalte... das aber viel meh wills vorläufig eusi letschti station in indie gsi isch... euses fazit nach 8 wuche „¡ncredible !ndia“ isch: stinkigi und dräckigi städt, äs riese chaos überall, viel zviel und no meh lüt a jedem eggä, netti und stilvoll kleideti fraue, wunderbars ässe, interessanti bahnhöf, lestigi blick und super ufdringlichi mänsche, unglaublich vielfältig und abwächsligsrich,... mir würdet wieder gha, nach südindie ;-)

INDIA ... NADA im Zug ...

sbeliebtischte und vorallem sbequemschte fortbewegigsmittel in indie isch definitiv dae zug... daezue chunnt das s'gschehe rund um de bahnhof oeppis vom interessantischte isch i dem land ... scho maengi stund haemer im zug und am bahnhof verbracht und natuerli wemer eu das noed vorenthalte... drum guckst du kleines video....

Tag 48: Khajuraho (Madhya Pradesh, India)

irgendwie passt jo das scho nöd. De inder isch sehr verchlämt, zviel huut zeige isch allgemein verpöhnt. Zärtlichkeite ide öffentlichkeit chund gar nöd guet a. Komisch, dass im 10. Jh denn aber so sehr erotischi Tämpel bauet worde sind wo ganzi sexorgie dargstellt sind

....fascht scho perversi bilder häd mer i dere wunderschöne tämpelalag chöne aluege.





In khajuraho hämer serscht mol dörfe binere indische familie an tisch sitze und mit ihne en znacht gnüsse. Die 17-jährig Sheela häd üs mit emene unglaublich feine znacht verwöhnt...... Interessanterwiis händ nome dmanne dörfe am tisch sitze. dfraue und dmeitli händ dmanne bedient und das i einere selbstverständlichkeit.

INDIA NEWS (Part II)

INDIA NEWS IIund da dä Part II über de inder und sine gwohnheite:










im norde sind die meiste inder buddiste – dchlöster und stupas häds über die ganze täler verteilt. sind wunderschön bemole und händ ganz schöni holzverzierige ade fänsterrähme...

in argentinie (buenos aires) gids dogwalkers... in nordindie gids geissegassifüährer ;-)

Also gäld isch au in indie sehr beliebt und für das stoht mer gern mol bimne bankomat über en stund a ;-)

Deluxe-Bus (beste Kategorie!!!): Air condition isch natürlich debi und dsitz sind au sehr bequem... wien ihr das do ufem foti gsähnd ;-)




nur leider sind d'sitz meistens so kaputt, dass mer am nochber hinde drah grad uf knü gheit oder mer de sitz überhaupt nöd chan verstelle... und das binere 28- stündige busfahrt ;-)

Üsi chartene sind jetzt 5 wuche unterwägs... mir hoffet die indischi speedpost bringt sie in nöchster zit doch no id schwiz!!!

d'christe sind sit jahre zimli in unterzahl in indie... drum werdet hützutags chilene au gern als spital gnutzt..

und zum schluss no de (leider hämer keis passends foti):
i jedem inder steckt ä bitzli schwulheit :-) Umarmendi oder händli hebendi manne gseht mer a jedem egge... Das isch zwar nome es zeiche vo brüäderlichkeit... aber de dani findet glich, dass das echli schwul isch ;-)

Tag 44: Agra (Uttar Pradesh, India)

Ändlich simmer a dem ort acho wos gröschte, romantischte und wältwiit bekannte begräbnis stoht. De wecker äxtra uf die 5i am morge gstellt, dass mer denn au die erste sind wenn mer de Taj Mahal bi sunneufgang chan bestuune. Leider isch de plan nöd ufgange.....irgendwelchi chäfer i üsem buch händ das nöd zueloh und so simmer die ganz nacht und de druffolgendi tag chrank im bett gläge. Bi 35 grad im zimmer isch das echli en totur gsi.....aber en tag spöter häd de Taj Mahal das ganze wieder guet gmacht. Es isch en wunderschöni grabstätte wo in würklichkeit gnau so schön isch wie uf all dene föteli.

Tag 41: Udaipur (Rajastan, India)

Scho dä james bond isch im film octopussy dur d'strasse vo udaipur gflitzt... mir händ dä james nöd gfunde, däfür simer sit wuchene wieder ämal jenste andere touris begägnet... udaipur söll die romantischt stadt vo indie sie, dass vorallem will sie eigentlich am ufer vom pichola-see lit... tja, aber ebe nur eigentlich... dänn eimal meh hät de „el nino", dä shiva oder wer au immer ganzi arbeit gleistet, dänn wo eigentlich der schöni see sötti si, häts eifach nur wiese gha... wit und breit kei wasser...
d'stadt hät eus aber au ohni see sehr guet gfalle... und so hämer zit mit sightseeing und wiedermal mit emene velotourli umebracht :-)

Tag 38: Diu Town (Diu Island, India)

Dä Wätterbricht hät gmeint es hegi Thunderstorms, au dä reiseführer hät abgrate und au dlüt händ dringenst abgrate richtig süde zgha... dä monsun seg wohl spöter als planet, aber däfür umso heftiger... mir händs natürli besser gwüsst und üs uf die lang reis nach Diu Island gmacht, d'insle mit em schönste strand vo westindie... ufem weg det abe hämer no än churze zwüschestop idä wohl hässlichste stadt vo inde gmacht, in ahmedabad... die city isch under de topten vo de städt mit de höchschte luftverschmutzig, das seit wohl alles...
in vieler hinsicht isch ja india chli rückständig, aber das mer züg problemlos übers internet chan bueche sig do doch als sehr fortschrittlich erwähnt :-) eimal meh hät d'reservation problemlos klappet und mir sind mit em luxuriöse nachtzug (mit klimaalag) also richtig küste abe... dä zweite teil vo dä reis nach diu hämer dänn aber mit em bus müese zruglege und de hät sis ablaufdatum definitiv vor jahrzehnte erreicht...


finally simmer dänn doch in diu town acho, uf dere bis vor 40 jahr no portugiesische insle... bis uf dä freii alkoholuschank (isch in indie leider nöd überall sälbstverständlich) händ portugiese leider nöd viel hinderlah :-) mit em velo hämer die würkli no schön und gemütlich insle erkundet... mir händ die paar täg am meer richtig gnosse, obwohl mit bädele und sünnele nüt gsi isch... einersits isch s'meer ziemlich wild, aber dä hauptgrund isch meh, dass bi dä inder scho d'auge usegeihet wenn d'nadja nur scho äs trägershirt ahät (drum isch sie au bi 40 grad mit langarm unterwegs-:)... so hämer halt chli suscht relaxt, beaches-sightseeing gmacht und das super fort agüxlet...

ah ja und s'wätter... mir würdet eus wünsche all die lüt hettet rächt gha und äs wür mal chli rägne, damits chli abechüelt... sit drü täg simmer ez da in diu am schwitze und ussert sunne hämer am himmel nonig viel gseh :-)