Tag 251: Mt. Cook Village (New Zealand)

eusi letschte täg in neuseeland hämer numal richtig mit bergwält und camping welle gnüsse... und so isch es an fuess von mount cook gange (äm höchste berg vo australasie)... schönschts wätter und ä grossartigi landschaft mit schneeberge und gletscher händ eus umringt... ufem gletschersee häts gheisse is kajak stiege und lospaddle :-) nummer 5 (mt. ollivier) vo eusne grosse wanderige in NZ isch dänn aber leider am näbel gschitteret...


neuseeland isch würklich äs highlight gsi... „s'land der langen weissen wolke“ isch a abwächlig kum z'überbüte... näbet dä stränd und farbige seä, dä grüene hügel und dichte wälder, dä schaf und dä delfin, händ eus vorallem d'berge gfalle... segs bim trekke idä vulkanlandschafte vo dä nordinsle oder idä schnee-alpä vo dä südinsle... guet händ mir nur än monet zit gha, so bliebt eus dä einti oder anderi trek für äs anders mal... dänn binere reis ines land, holt mer sich ja bekanntlich au immer ideä fürs äs nögst mal :-)


nach 160 täg australie und neuseeland gaht au äs kapitel z'änd... voller wehmuet müend mir eus nämli vom campingalltag verabschiede... eusi letschti nacht isch numal so richtig chalt und ungmüetlich gsi :-) dennoch werdet mir s'uf- und abbaue vo eusem zält, s'teile vo duschi und WC mit anderne lüt und's höckle mit wein und bier uf eusne campingstüel vermisse... aber trotzdem freuet mir eus riesig uf eusi nögsti destination: via sydney und singapur gahts nämli uf vietnam... :-)

Tag 247: Franz Josef & Fox Glacier (New Zealand)

De Franz Josef und de Fuchs


Neuseeland ohni de Franz Josef und de Fox go bsueche goht natürlich nöd – zum glück sind die beide Gletscher eh grad uf em Wäg gläge, so hämer dene grad en bsuech abgstattet. Gross, dräckig, sehr fescht zrug gschrumpft aber imne sehr schöne Bergpanorama lieged die en halbstund vonenand enfernte Gletscher. Spezieller isch denn aber s'campe diräkt am beach gsi mit blick uf en unglaublichi Bergwält und mit 1'000'000 Sandflüge :-)

Tag 246: Avalanche Peak am Arthur's Pass (New Zealand)

oh oh, wänd mer würklich do so ungschützt schlofe? de Ranger häd üs Muet gmacht mit sine guete tipps wie mer de einzig Bergpapagei uf dere Wält chönd devo abringe üses Zält azknabere. Mit Stei rund ums Zält und mitere Wasserfläsche hämer uf de hübschi KEA gwartet. Doch üses Zält hät die Vögel überhaupt nöd beidruckt. Defür händ de Dani und ich umso meh de plausch gha wo mer serscht mol mit üsem Gas-chocher üse znacht gkochet händ. Ez simer scho sid über 4 Mönät am campe und schaffets fängs ide letzte wuche eus en mobili chuchi zchaufe ;-)



Mer sind jo nöd zum Arthur Pass gfahre wäge de Bergpapageie oder zum üse neui chocher uszprobiere. Vielmeh häd de dani sini neu „finke“ zum erste mol welle ilaufe und uf de xxxx m höchi berg. Am morge am achti isch es losgange und mer händ üs uf de fascht drü stündig ufstieg uf de avalanche peak gmacht. Es isch scho sträng gsi und zum teil mit allne viere hämer müsse deruf chragsle aber für die ussicht wo üs döt obe bote worde isch würdet mer das wieder mache. Nöchst mol eifach mit em helikopter abe....so 3 stund abelaufe sind für üsi untränierte chnüh nüd gsi-

NADA goes OZ...

fascht vier monaet simmer dur australie g'reist... und logisch haets s'einte oder andere video geh... das wemer eu natuerli noed vorenthalte, guckst du selber:

Tag 244: Kaikoura (New Zealand)

leider isch dä empfang vo dä südinsle chalt und nass gsi... janu, fürs whale watching in kaikoura hämer ja au nöd umbedingt sunneschi brucht... für di böötli ischs dänn aber doch zu stürmig gsi und so isch vorerscht nix gsi mit wal und co... s'alternativprogramm isch aber au gar nöd so schlächt gsi, und so hät gheisse chli go laufe, käffele, seeleue bestune und eimal meh go schaf sueche... und damal hämers oberschaf gfunde, guckst du diese :-)


nachem dritte alauf häts dänn doch klappet und die whale watching boot händ sich doch no ufs meer traut.. des einen freud, des anderen leids... wägem doch zimli heftige wällegang, hät d'nadja sich meh ufd kotztüte konzentriert als ufs fischspektakel... dä "sperm whale" (die heisset würkli so) hämer wohl gfunde, isch aber chli letargisch im wasser umeghanget und drum nöd ganz so spektakulär... im gägesatz zu dä hunterte "dusky dolphins" wo akrobatisch im wasser umejumpt sind...



apropos umejumpe... drü wuche simmer mits MAC's unterwegs gsi, aber ez häts wieder gheisse abschied neh... und wie immer mached mir das mit emene jumpfoti :-)

Tag 240: Inglewood (New Zealand)

natürli ghört zumene neuseeland bsuech au än halt binere richtige farm... und so hämer als nögschts halt gmacht bi nadjas entfernte verwandte in inglewood... und äs isch ächt herrlich gsi... nöd nur das super bett mit weicher tecki, sondern au sfeine ässe und die suprigscht gaschfründschaft vo dä familie lüdi...

die vile tier ufem buurehof händ vorallem am dani pässlet: de hät nämli versuecht mit allne tier fründschafts z'schlüsse :-)



gern hettet mer no dä nögsti vulkan (taranaki) bestiege, aber wäg schlächt wätter isch nix gsi, aber nögscht mal dänn... gern chömed mer nämli numal uf inglewood :-) äs herzlichs dankeschön a dere stell a eusi gastgeber, dä hanspeter und angi...

Tag 238: Tongariro (New Zealand)

als grosses highlight vo dä nordinsle aprise, hämer eus richtig tongariro national park gmacht.... natürli mit ämene chline halt in rotorua, die vulkanische krater und thermal pool hämer eus natürli au nöd entgha lah...


ändli i euserer camping-lodge acho am tongariro, hämer leider müese feststelle das eusi vulkanüberquerig in dichtem näbel ghüllt isch... nach zwei täg warte (wenigstens hämer so zit gha zum die millione glüewürmli chöne go aluege) uf bessers wätter hämer eus dänn aber doch gwagt... am morge am sächsi als ersti abglofe, isch äs los gange und äs hät doch tatsächlich nach guet wätter usgseh... kum simer chli ide höchi gsi händ sich die letschte näbelschwade verzoge und äs herrlichs vulkanbild hät sich eus bote... phantasitschi krater mit links und rächts höchi vulkän...


aber ebe... ä vulkanbestiegig ohni näbel gits bi nada's nöd... au bi eusem dritte versuech nöd... scho in guatemala dä pacayo und dä villarica in chile hämer nur im näbel gseh... und so ischs au ufem tongariro nöd anderscht gsi... bim letschte ufstieg nämli, isch innert minute dä näbel cho und hät alles in grau ghüllt... so isch es fertig gsi mit dä pracht...janu spass häts alleweil gmacht... und au riesigi blattere ade füess ;-)

Tag 233: Coromandel (New Zealand)

mit schufle bewaffnet isch es früe morgens losgange ad „hot water beach“... am schöne beach häts dänn gheisse pool grabe zum drihöckle... und mit viel glück hät mer ä heissi adere verwütscht und äs hät eim dä persöndlich pool mit heissem wasser gfüllt...







nach stundemlangem, schweisstriebendem und muskelkaterförderdem schuffle simmer dänn go usruebe... beachday bi sunneschi am beach vo dä cathedral cove...


fascht 20'000 kilometer hämer mit eusem schnugi in australie zrugg gleit und nöd ei panne gha... nach äs paar hundert kilometer in neuseeland mit dä mietautoschwarte isch dänn aber dä lang „ersehnti“ platte cho... aber das isch ja für än unglernte automech keis problem :-)

Tag 230: Far North (New Zealand)

mir sind definitiv am ändi vo dä welt, am üsserschte (nördlichste) zipfel vo new zealand acho...


wer meint dass es in neuseeland nur grüen und chalt isch, de irrt sich... sit äre wuche isch sunneschi agseit, und nix grün, sondern wüste soweit das auge reicht...

aber eigentlich isch es scho mehrheitlich grün, mit riesige kauri bäum...

Tag 227: Russell (New Zealand)

dä australisch summer hät eus ja so zimli verarscht, däfür hät eus neuseeland mit fascht 30 grad und stahlblauem himmel empfange... und de empfang dured ez sit 4 täg a, da chömer nur hoffe es bliebt nochli so... mit nigel-nagel-neuem-wasser-dichtem-und-wind-festem zält bewaffnet isch es los gange dur die neuseeländisch prärie, nöd mit pferd, obwohl euses neue mietauto au fascht amene alte gaul glichet...



nöd zvergässe sind natürli au eusi neue reisegspändli, eimal meh simmer nämli mit bsuech us dä schwiz unterwegs, nämli mit MAC's (am dani sini schwöster mit familie)...



erste halt isch russell gsi, ade wunderschöne bay of island... und au da häts gheisse: if you don't do a cruise, do a cruise... und das hämer au gmacht... obwohl mer in australie scho vill delfine gseh händ, simer beidruckt gsi... dänn so grossi und so villi uf eimal am bug und ums schiff hämer doch no nie gseh...

Tag 224: Sydney (Australia)

Eusi zit in australie isch definitiv abglofe... nach äs paar letschte täg mit räge in sydney, gahts hüt richtig auckland... lang hät de christian müesse warte, und wo's dänn so wit gsi isch, häts erscht nachem 26igste mal klappet: aber schlussändlich hät ers doch mitemene obligatorische jump-föteli i euse blog gschafft :-) uf dem weg herzliches dankeschön für die grosszügig gaschfründschaft womer händ dörfe gnüsse...

Tag 222: Sydney (Australia)

nach viel räge in australie, hät eus s'wätter wenigstens zu wiehnachte nöd im stich lah... vor und nach de bescherig hämer d'wälle und dä beach in byron bay gnosse... zum festtagsschmaus häts sogar päckli und än improvisiert, gschmückte, umbaute sonneschirm-christbaum geh :-)

nach dä letschte täg am beach isch es zrugg uf sydney... euse grossi task zum erfülle hät gheisse auto verchaufe... isch nöd ganz so eifach gsi, wie mir eus das vorgstellt händ... nach langem erfolglosem warte und vorfühere, hät aber schlussändlich euses schätzli doch no öppert welle... somit isch dä grosse sylvesterparty nüt im weg gstande... im fink/ackermann'sche apartment mit perfekter sicht ufd harbour bridge, hämer s'firework bestunnt... mit kulinarische höhepunkt und ämene perfekte partyprogramm ischs en füechtfröhliche abig worde...
nach über 100 täg in australie, gahts eusi reis ez äs kapitel witer und zwar gahts für än monet uf neuseeland...