Tag 335: Koh Chang (Thailand)

nach monatelangem wildem-umher-reise haend mir eus aendlich mal gfreut eifach chli an beach ligge; baedele, buech laese und suennele... jawohl, und fuer das nuet-tue-programm haets eus paar tag uf die zweitgroescht Insle vo Thailand verschlage, uf Koh Chang... und herrlich isch es gsi... okee nachem zweite tag uf dae fule hut ligge, ischs eus langwilig worde und mir haend muese aes toeffli miete zum was unterneh :-) aber suscht simmer super am relaxe gsi...


sodele, und jetzt gahts ab uf Bangkok... mal chli go ufrume... go luege, dass sich die rote haempli wieder mit dae gaelbe haempli vertraeget :-)

Tag 327: Vang Vieng (Laos)

spontan haemer beidi eusi reiseplaen apasst und so isch es gmeinsam mit em dani und dae nathi witer dur Laos gange... dae noegste stopp haet vang vieng g'heisse... bekannt fuers "tubing" (jede idiot lauft in ganz suedostasie mit em entspraechende liebli ume)... imene ufblasne reife triebt mer gemuetlich dur die wunderschoen laotisch landschaft... toent wunderbar, nur wird das ganze bild chli truebt, daenn d'backpackers haend us dere malerische strecke ae partymeile gmacht... ei bar ade andere und entspraechend vieli betrunkni traveller triebet dae fluss durab...

naja, wenn mer scho da sind :-) das ganze haemer eus natuerli noed choene entgah lah... und haend eus in gesitteter manier dur dae bar-jungle kaempft :-)


dae ganz spass isch daenn doch no lustig und amuesant worde :-) natuerli haets zum abschluss no s'obligatorische jumpfoti geh... damal haemer eus aber was speziells ifalle lah :-)

Tag 325: Luang Prabang (Laos)

nach eusem chline, grosse aerger zum abschluss euserer chinareis, simer froh gsi haemer fuer aes paar taeg choene id rueh vom laendliche und gemutliche Luang Prabang in Laos fluechte... i dem malerische doerfli, wo zum UNESCO Weltkulturerbe ghoert, staht a jedem egge aen taempel und ueberall gseht mer moenche ide traditionelle orange robe...


naja, mit rueh isch daenn aber ueberhaupt nix gsi... aes isch naemli grad laos new year gsi... und das heisst fuer d'laote party und spass... und zum dem spass ghoert wasser umespruetze... wenn glueck haesch, daenn gits nur aen chline spruetzer us de wasserpistole... aber meistens wird mer grad kuebelweise mit wasser attakiert... lustig isch es alleweil gsi, aber vorallem ebe nass und feuchtfroehlich...



s'letschtere haet aber au no aen andere grund gah... daenn zum eine haemer d'nathi und dae dani uf ihrer waeltreis aendli troffe (guckst du diese), was natuerlich ordentlich und jede abig haet muese gfiered werde... aber au nadja haet ja geburi gha und das haemer ufem land usse bi dae land-bevoelkerig gfiered mit em traditionelle schnapps aem laolao:

Tag 318: Border China - Laos

Euse Nachtbus wo eus in 26h vo kunming (china) uf luang prabang (laos) het soelle bringe, isch eus scho vo afang a extremstens unsympatisch gsi... aen alte schlafbus und nur komischi chinese... naja, au das werdet mer ueberlaebe haemer eus daenkt... soweit so gut... am morge frue, churz vor dae graenze isch wc-pause gsi... dae dani isch sich go d'fuess vertrampe und d'nadja isch biz spoeter au use cho... am dani sin chline tagesrucksack isch aber no im bus gsi... mhhh, schnaell hole daenkt sich dae dani und macht sich in bus ine, er mues aber husch warte da aen typ grad use will... tja das waer denn aber de arsch gsi, wo soebe dae laptop und gaeld usem rucksack klaut haet... dem aber noch nicht genug, daenn au s'gaeld im rucksack vo de nadja, alles weg... obwohl sie dae rucksack immer uf sich treit haet... dae typ haet also ide nacht, waehrend dnadja gschlafe haet, a ihre rucksack muese und sich bedient ha - waehrend aem schlafe!!!! schoene a dere sach isch au gsi, dass wo daenn d'polizei cho isch wenig spoeter, sich eini vom bus gmaeldet haet, sie hegi gseh dass oepert sich a eusi war gmacht haet... haet aber alles nued meh gnuetzt... zum glueck haemer aber paess und alli kreditchartene no, mer mues schliesslich positiv daenke: glueck im unglueck...

Tag 315: Yuanyang (China)

euse letscht usflug in china hät eus fuer paar täg id berge vom staat yunnan bracht... ide umgaebig vo yuanyang wird sit ueber 1300 jahr riis apflanzt... und das in tusige und abertusige vo riis-terassene... eimal im jahr (im herbscht) wird gerntet und nach dae ernte (bis im früeling, wenn wieder gsäht wird), sind die terassene gfüllt mit wasser... äs paradies fuer fotografe...

und da es ide nöchi kein flughafe hät und mer nur inere längere busfahrt det ane chunnt, häts praktisch kei touris... herrlich :-) aber dafür jensti profi-fotografe... mir sind so öppe die einzige gsi ohni spiegelreflexkamera mit riiiiiiese objektiv... aber au so häts für eus hübschi fotene geh :-)

eusi zit in china isch leider zänd... gern wäred mer länger bliebe, dänn das land hät näbe ässe, natur und gschicht sooo viel z'büte... äs isch eifach nur wooowww gsi... aber natürli freued mer eus ez au uf eusi nögschti destination: laos