Montag, 31. Mai 2010

NADA goes HOME...

nach äs paar täg heimat, simer eus bereits wieder am vorbereite fürs abentür "südliches Afrika"... ab juni brichtet mer live vo dä WM in Südafrika... fürs erste hämer aber mal die neuste pics online... für China klickst du diese... und für Laos / Thailand klickst du hier...

360 täg nonstop on the road sind verbi, äs gaht zrugg id chälti... wunderschön isch es gsi, viel hämer erläbt und gseh... a dere stell möchtet mer no allne danke wo üs via blog, mails, sms & telefon uf üsere reis begleitet händ... mer händ immer de plausch gha a news us de schwiiz...








Mittwoch, 19. Mai 2010

Tag 360: Zug & Rapperswil-Jona (Switzerland)

üsi letzte beide täg vo 360 täg nadagoesworld part I hämer dörfe bi de melanie, dominik & em leandro brügger in singapur verbringe. beste dank üch 3 für die super gastfründschaft. ohni öpis zchaufe chan mer singapur gar nöd verloh, so hämer üsi stunde ide riesige shopping malls verbrocht.

Adere stell möchtet mer no allne danke wo üs via blog, mails, sms & telefon uf üsere reis begleitet händ. mer händ immer de plausch gha a news us de schwiiz & freued üs mit üch ines paar stund eis znäh :-)


mit mer säged tschüss und freued üs i 2 wuche live vo de WM in südafrika zbrichte

Sonntag, 16. Mai 2010

Tag 357: Kamala Beach, Phuket (Thailand)


zum abschluss mit nici und simi, häts en halt ghe imene luxushotel in Ao Nang... herrlich gsi... und so häts eimal meh gheisse relaxe und bierli trinke... und zwüscheddure natürli nochli ässe und im pool bädele... cooli drü wuche sinds gsi mit dene beidne, aber gli gseht mer sich ja wieder ide schwiz...


euse abschluss in thailand isch aber kamala beach uf phuket gsi... uf euses ändi "nadagoesworld part I" hämer nöd müese ällei astosse, dänn mit benji und veronica hämer scho wieder öppert vo dihei um eus gha... als töffli-gäng dörf natürli sentsprächende jumpföteli nöd fehle ;-)



Montag, 10. Mai 2010

Tag 351: Koh Lanta (Thailand)


nach party und spass uf koh phi phi hämer chli d‘rueh brucht uf koh lanta... doch nöd nur einsamkeit hämer gfunde, sonder au super günstigi und super schöni bungalows am strand... und so hät d‘reisegruppe nada-nisi-dana-we sich für paar tag eifach nur erholt...



erholt isch villicht übertriebe, dänn numal hät eusi reisegruppe zuewachs übercho... dä benji mit veronica hämer nämli dörfe begrüesse... und so häts programm gheisse: zmittag ässe, sünnele, massage, apero, znachtässe, bierli trinke, schnapps trinke, schlumi, schlafe :-)



natürli hämers nöd chöne lah und händ numal müesse go leopardehai, schildchrote, seepferdli, oktopus und co. go sueche... nada goes diving :-)



Mittwoch, 5. Mai 2010

Tag 346: Koh Phi Phi (Thailand)


nach bizeli kultur in und um bangkok, häts mal wieder äs schöns wiederseh ghe... d'nici und dä simi hämer dörfe am flughafe abhole...


än churze zwüschestopp in phuket hät nöd dörfe fehle, bevors uf die paradisischi insel koh phi phi gange isch... und au s'tagesprogramm isch herrlich gsi: tauche, ässe, beach ligge und sünnele, ässe und daenn ordentlich in usgang...


und damit party au richtig hät chöne stiege, hämer au no eusi Laos-travel-buddies (nathi und dani mit wedi) iflüge lah :-) sträng isch es gsi, aber mir händ ja schliesslich müese traniere für euse churzabstächer id schwiz...


eis dörf uf phi phi natürli nöd fehle... und zwar än tauchusflug an berüehmte leonardo-di-caprio-the beach-beach... natürlich äs perfekts sujet für äs jump-föteli mit eusne neue gäscht...