Day 401: Cape Town (South Africa)

NACH DER WM IST VOR DER EM...

schoen waers... die huere FIFA isch zum chotze... als wuers noed lange, dass d'CHer grotte schlaecht gspielt haend... Nei eusi "follow-your-team-tickets" womer fuer aes allfaelligs achtel- oder viertelfinal-spiel gah hettet vo dae Schwizer, tuet d'FIFA noed zruggerstatte, zahlt sinds ja scho lang!!! nei stattdesse sind die Tickets eifach fuer d'Spiel vo dae Spananier gueltig... aber wer wett daenn die go luege?????? tja, und so haemer muese umplane und numal uf Cape Town... zum glueck haet sich d'Nadja als Schwarz-maert-Ticket-Verchaeuferin ae so guet vermarktet, dass mer eusi vier tickets doch no los bracht haend...

Day 396 - 398: Mtn. Zebra NP / Bloemfontein (SA)

mir sind ja noed nur fuer d'WM nach southern Africa cho... und so haet eus d'Verfolgig vo dae CH-Nati doch as einte oder andere wunderschoene plaetzli bracht... was das land naebed dae perfekte WM-Organisation alles z'buete haet, isch eifach phenomenal... d'luet sind herzlich, nett und super hilfsbereit... ja und d'tierwaelt eifach einzigartig:




aber noed nur die viele Viecher, sondern au landschaftlich isch South Africa jede Trip wert... dae eher unbekannti Mountain Zebra Nationalpark haet eus so zimlich beidruckt:



ja, leider isch daenn s'fuessball in bloemfontein gaege Honduras noed asatzwis so beidruckend gsi wie Land und Leute... trotzdem isch die WM fuer eus schoens erlaebnis gsi, daenn wie die Schwarze de Event gfiered, und wies mit jedere Nation mitjublet und taenzled haend isch mega gsi...


mir haend die ganz WM Zit doerfe mit em Roger und dae Melanie verbringe... Cool isch es gsi mit eu: a'male, fane, grilliere, schlange brot mache und vorallem wi trinke :-) eu no ae gueti witerreis und daenn aes guets i'laebe ide CH... :-)

Day 393: Port Elizabeth (South Africa)

eimal meh äs wunder schöns tägli, wit und breit kei wolke, eigentlich hetti alles gstumme... obwohl's villi villi chilene gha hät, so sind wenigstens d'Südafrikaner uf euserer site gsi...


mit em shuttle isch's vorzitig is schöne "Nelson Mandela Bay"-Stadion... wie scho die ganz WM, lauft au in Port Elizabeth organisatorisch alles perfecto... tja, fascht alles... dänn d'stadionsecurity hät doch tatsächlich mit aller gwalt versuecht dure z'setze dass mer nöd dörf stah im stadion... ämel d'schwizer nöd, dänn d'chilene sind näbed drah stehend in rue glah worde... tzzz... sauerei...


das hät aber dä stimmig überhaupt nöd gschadet, sondern viel meh än Saudi-Schiri namens Khalil Al Ghamdi... Ich mag den man ja nicht schlecht machen, aber so ein Arschloch... was solls, witer gahts uf Bloemfontein womer halt d'hondurianer id pfanne haued...

Tag 392: Port Elizabeth / Addo Elephant NP (SA)

Nach fascht drü wuche in Südafrika isch äs ändli mal zit gsi für än richtige Nationalpark: Addo Elephant NP... und wie mer Elephante gseh händ und zwar dutzendi, äs isch eifach herrlich gsi...Schöns gfühl, es sandwich zässe und grad vorem auto trinkt än elefant useme tümpel...


aber au Buffalo's, Warthog's, Kudu's und sogar Schakal sind uf üsere erste safari uftaucht... D'leue und d'leoparde händ sich nonig getraut zum füre cho, aber die verwütsched mer au no...

Port Elizabeth isch bereits gfüllt mit schwiizer, aber au chilene... mer händ sogar mit schrecke festgstellt, dass die Chilener eigni fänartikel ufem lokale flohmärt verchauft händ... leider gids au do praktisch kei schwiizer fanartikel zum chaufe... wobi dä sieg gäge spanier diesbezüglich doch au gnützt hät: im agebot häts jetzt mini-fändli und vereinzelt händ paar schlaui schwarzi sälber gneihti schwiizerflagge verchauft :-)

Tag 388: Durban (South Africa)

what a wonderful day... bi perlämässigem wätter isch's mit em fancar scho früe is wunderschöne stadion in durban gange... natürlich in vollmontur und mit CH-fahne uf dä bagge...


spananier hät's nur wenigi gah, däfür sind die ville schwizer scho vor em spiel in partystimmig gsi... d'nervosität isch fascht nöd z'erträge gsi, guet häts au im stadion bier geh... und so ischs im dauergejohle is spiel gange und was mer det bote übercho händ, isch ja allgemein bekannt...

nachem schlusspfiff häts kei gränze meh ghe... jede hät jedi umarmt und die eint oder ander träne hät mer gseh... für die einte freude- und für die andere frustträne... bis spat id nacht hämer müese fiere, mer het chöne meine mer seget ez scho wältmeister :-)

Tag 387: Durban (South Africa)

dae WM-Start fürd Schwiz staht churz bevor und drum händ au mir eus am erste Spielort vo euserer Nati igfunde... CH-Fanartikel gits zwar au in Durban überhaupt nöd, däfür stiegt Zahl vo dä CH-Fans uf eusem Camping bereits gäg die 100...

hüt häts gheisse Publicviewing abchecke... wägem schlächte, chalte Wätter um die 14° (was dä CH natürli im Spiel gäg Spanie entgäge chunnt) isch s'Fanfest praktisch leer gsi... immerhin hämmer idä City jensti Schwizer (all natürli rot ikleidet, usserd mir, weil nix CH-Fanartikel in SA) gha und überhaupt kei Spananier...


d'experte-meinig vo NADA isch in Southafrica sehr begehrt... so hät DAniel vor Ort am Radio Zürisee äs Interwiev müese ghe und Nadja am japanische TV :-)


more Swiss-News us South Africa demnächst uf www.nadagoesworld.ch...

Day 376 – 383: Garden Route (South Africa)

d'garden route isch än wunderschöne küsteabschnitt uf dä fahrt vo cape town nach port elizabeth... wissi sandstränd und schöni klippene wächslet sich mit beidruckende Wälder und Nationalpärk ab. mit giraffe & co isch i dem teil vo africa no nüt, däfür händ sich d'herre wal, seeleu und pinguin & dä vogel strauss blicke lah...



nöd nur landschaftlich isch es än traum, au eusi campingplätz sind vom feinsten... so machts schlafe i eusem neue super-dichte-eifach-ufstellbare-ultra-lichte-hammer-zälte no meh spass... einzig temparature ide nacht lönd nochli zwünsche übrig... aber wer gaht scho im winter uf SA...





















zum bispiel mir und äs paar wenigi anderi WM-Touris... obwohl d'WM soebe gstartet hät, sind tourizahle nöd würkli gstiege, im gägesatz zu dä übernachtigsprise :-( eusi suechi nach schwizer fan-artikel isch immerno erfolglos bliebe (sogar algeriefändli hets!!!) aber immerhin hämer doch no äs maskottchen gfunde:

Tag 375: Cape Town (South Africa)

"Welcome to South Africa and good luck for Switzerland" – bereits dä ersti kontakt in südafrika (mit em zollbeamte) hät eus positiv beidruckt...und im gliche stil isch es witer gange: als ersti passagier im neue bussystem vo kapstadt, hät mer eus nämli kei minute usem aug lah und üs übers was-wie-wo-wenn in Kapstadt bestends ufklärt...


bi schönstem herbstwätter ischs uf erkundigstour gange: tafelberg, waterfront, robben island, camps bay,... Kapstadt isch ä wunderschöni sehr überblickbari city... und mit em nötige respäkt chan vo "gförlich" kei red si... erschreckend isch einzig, dass d'gägesätz vo arm und rich so nöch zäme sind wie vermuetli nienet uf dere wält...


mir sind vorerst vorallem für d'WM i dem land... s'wichtigste: Cape Town und South Africa sind ready... die letschte chline bauarbeite sind no im gang, aber suscht strahled alles... a jedem egge chamer fändli, liebli und vuvuzelas chaufe (nur im Swiss-Look gits leider nüt :-)... s'einzige wo no fehlt sind d'touris, kapstadt isch eus nämli wie usgstorbe vorcho... für eus isch dä wichtigsti task idä erste täg gsi: eusi reservierte Tickets fürd alli schwizer vorrundespiel go abhole...

NADA goes SOUTHEASTASIA

fascht vier moenet haemer dur suedostasie doerfe reise... nach vietnam, mitemene abstaecher uf kambodscha, isch es witer dur dae suedweste vom wunderschoene china gange... nachher quer dur laos und die letschte paar wuche isch beach in thailand agseit... die beste usschnitt und erlaebnis haemer natuerli imene video zaemegschnitte...