Montag, 6. September 2010

Tag 470: Namib Desert / Sossuvlei (Nambia)


vor tusige vo jahr händ Überschwämige Kalahari-Sand vo Botswana via Südafrika in Atlantik gspüehlt... dä chalti Benguelastrom hät dä Sand nach Norde treit, wo dä starchi Wind ade Küste vo Namibia däfür gsorgt hät, dass sich ä neue Wüesti bildet hät: d'Namib...




Hüt isch dä Namib-Naukluft-Park (grösser als d'CH!!) ä wundervolli Wuestelandschaft mit Düne soweit das Auge reicht... Vorallem d'Region um Sossuvlei isch wie äs Bilderbuech... Blaue Himmel, roti Sanddüne und uströchneti Salzseeä mit abgstorbne Kameldornbäum – kontrastricher gahts nüm...



Das D'Wüesti nöd nur us Sand bestaht, hät eus dä Guide Tommy uf dä "Living Desert" – Tour zeiget... höchst interessant was mer für Tier im Sand gfindet, wenn mer weiss wo und wie sueche (Schlange, Kamäleon, Echse, Chäfer,...) au d'Nadja hät a dene Tierli super dä Plausch gha :-)








0 Kommentare:

Kommentar veröffentlichen