Freitag, 27. September 2013

Tour 2014


Jetzt isch es offiziell:    nadagoesworld by train

Über de landweg vo zug zum heilige Berg Kailash im Tibet... oder 17'402km mit em Zug, Schiff, Auto und z'Fuss...

Z'mitzt im Winter am 25. Januar 2014 09:29 Gleis 3 gahts los mit em Interregio... Via Hamburg, Stockholm und Tallinn gahts uf Russland und vo det mit de Transibirische Isebahn im tüfste sibirsche Winter (-40°C) nach China und dänn witer uf Tibet... Die letschte Kilometer pilgeret mir dänn z'Fuss um de Kailash...

Natürli isch au de Weg s'Ziel und so staht ufem Weg nach Tibet de eint oder ander "Sidetrip" a... sodass mir nach knapp 4 Monät de ersti Teil mit de Kailashumrundig chönd abschlüsse... Für die restliche 2-3 Monät vo de "Tour 2014" gahts den witer nach ???...