Freitag, 31. Januar 2014

Tag 7 / km 2'414: Tallinn, Estland (-18°)

will mir ja bekanntlich so gern schiff fahred, also d'nadja, hämer dänkt mir nehmed d'fähre vo stockholm i die estnischi hauptstadt tallinn... 1994 isch uf de gliche route d'fähre "estonia" bi sturm und gwitter gsunke (mit über 800 tote)... sehr zur freud vo de nadja isch zumindescht üs de neptun gnädig gsi und so hät eus dfähre über nacht (16h) ohni grössere wällegang sicher durd ostsee bracht...



nach de scho fascht tropische temperature in stockholm isch s'thermometer am finische meerbuse^leider um 15 grad gfalle... vo minus 3 usgange, simmer so leider bi neue rekordtemperature vo -18 grad glandet... immerhin hät d'sunne mitgmacht und so isch temperatur doch immerhin am tag um ganzi 2 grad uf -16° grad gstiege... woooowwww...


Tallinn isch en traum... ä wunderschöni überschaubari altstadt, so alt und hergrichtet, dass mer sich scho fascht is mittelalter zrugg versetzt fühlt... eis alts huus reiht s'andere, roti dächer und pflasterstei überall, a jedem eggä häts käfeli und die intakt stadtmur zeigt eim dä sightseeing-rayon...





Ide Altstadt vo Tallinn chunnts eim vor als isch mer i eim grosse Outdoor-Museum... Sit 1994 UNESCO-Wältkulturerbe nimmt Tallinn definitiv eini vo de Top-Plätz i, vo de schönste Städt in Europa... Mir händ de chälti trotzt und sind drum stundelang dur die gässli gschländeret... Oke, bi dene Temperatur häts öppe mal en Kafi- oder Indoor-Museum-Stopp geh :-)





Dienstag, 28. Januar 2014

Tag 4 / km 1'985: Stockholm (-3°)

die ganz zit ide nacht ufstah und vors hostel ränne, und das wägemene fehlalarm isch eus dänn doch z'blöd gsi... und so hämer grad dä nögscht zug gno in richtig stockholm... doch au die fahrt isch nur vo kurzer dauer gsi... eigentlich hämer welle zug fahre, aber scho bald isch d'lutsprächer durchsag cho, dass kei fähre bereitstaht und mir müsed warte.. tzzzz... irgendwänn isch die fähre dänn doch cho und dä ganzi ICE isch i die fähre ine... nachenere churze überfahrt isch de ICE dänn us de ferry use und witer uf kopehage... und da d'schwede ganz es netts volk hät, hät euse aschlusszug sogar extra uf eus gwaretet... nach über 10 stund simmer dänn doch no im schöne stockholm acho...



und wie das stockholm schön isch... schön warm unteranderem... für eimal nur -3°... und so hämer stundelang verusse mit sightseeing verbracht :-)




 natürli nöd nur verusse, denn stockholm hämer churzerhand in "stadt der 1 millionen café's" umtauft... ä herrlichi kaffikultur hät das stockholm und so häts immerwieder mal ä pause geh...
  

Sonntag, 26. Januar 2014

Tag 2 / km 977: Hamburg (-10°)


änlich gahts los... nach monatelanger planung startet ändlich euses nögschte abentür: mit em zug vo zug nach Tibet, ganuergseit zum heilige berg kailsh... bevor de adventure aber richtig losghat, müemer mal zerscht quer dur europa... die erst etappe mit em IC bis uf züri isch schomal zimli easy... natürli gahts grad witer mit em ICE bis uf Hamburg, eusem erste Stopp...



Das es uf euserer Reis chalt wird, dass isch eus klar gsi... aber dass es bereits in hamburg losgaht mit tages-höchst-temperature vo -9 grad, isch dänn doch meh als en chaltstart... janu, da müemer dure...

Wieso uf hamburg, natürli hät das nur ein grund... nachdem de flughafe vo berlin hoffnigslos isch, hämer dänkt mir kümmert eus mal umd elbphilharmonie... ursprünglichi kosteschätzig 77 milione, aktuelli schätzig ca. 800 millione Euro... ursprünglich planeti eröffnig 2010, so wies usgseht isch die aber erst 2017... tja, mir händ relativ schnäll festgstellt, dass au bi dem bau nüt meh z'rette isch... chan halt nöd jedi nation ä grossbaustell termingrächt und innerhalb vom budget fertigstelle... so wied schwiz wode gotthard-bahn-tunnel sogar eis jahr früener als planet eröffnet... aber lömer das...



 mir händ eus dänn halt zit umegschlage mit... gnau mit früre... sogar de halb hafe isch volle iis gsi...


das wär ja alles nöd so schlimm, wenn nöd zweimal ide nacht im hostel de alarm los wär und alli gäscht sofort hetet müese s'hostel verlah... man überlege: pijama, -12 grad, hotel verlah... tja,dä adventure isch dänn doch ächli gar früe uf dere reis losgange... aber au das hämer überläbt und sind scho fascht abghärtet...

nachdem das mit de rettig vo de elbphilharmonie nöd klappet hät, hämer eus dänn doch no fürs touri-programm entschiede: fischmärt, repperbahn, musical...