Dienstag, 4. Februar 2014

Tag 11 / km 2'778: St. Petersburg, Russia (-4°)

Russland hät eus mit sine mürrisch Vorurteil begrüsst. Nöd eimal hät d'sunne in St. Petersburg gschunne, stattdesse häts permanet gschneielet… hät de vorteil gah dass sich so temperature im agnehme bereich agsiedlet händ (knapp under 0), dafür sich aber nur grautön ide landschaft abgwächslet händ... dazue chunt dä pflutsch und match überall, aber mir sind ja usgrüstet ;-)

apropos russland und vorurteil oder ebe doch kei vorurteil: meistens unfründlich,  meistens mit pelz und meistens mit stögis ... ja so sind sie die russen und russinnen...










aber uf russland wäred mer ja fascht nöd cho: ide russische (un-)fründlichkeit hät mer eus nämli in tallinn z'verstah geh, dass mer eus nöd mitem zug chöng mitneh... s'ticket isch wohl oke gsi, aber mir händ kei sitzplatzreservierig gha... isch tatsächlich äs problem gsi, will ja dä zug quasi leer gsi isch... zum glück hät denn de zug müese abfahre und so häts denn dank em downgrade vo de 2tä id Holzklass doch no klappet... tzzzz....


 
St. Petersburg isch jedoch schlichtweg imposant... 250 mueseä, 4'000 gschützti denkmäler und 2'500 vo de Unesco anerkannti Gebäude... das laht sogar London, Paris, Rom, etc. hinter sich... Für eus hät das eimal meh gheisse: stundenlanges und ewiges spazieren, vo chile, zu palast, zu museum, zu park und wieder vo vorne zur nögste chile, etc. etc. etc.





Zum Glück häts aber in St. Petersburg eis stylischs Kafi am andere... und jedi isch au ä bäckerei... tja, und so sind eusi spaziergäng natürli immer wieder mitere tee- und chuechepause unterbroche worde...


S'Hermitage isch eis vo de berümtischte und bedüdentschte Kunstmuseum vo de Wält und spillt ide gliche Liga wie dä Louvre... über 60'000 Exponat sind zum bestuune, drunter Werk vom Picasso, Matisse, Rembranth, Van Gogh, Da Vinci,... Mir als alti Kunstfän händ natürli au praktisch alli bilder und Skulpture gstudiert :-)




0 Kommentare:

Kommentar veröffentlichen