Samstag, 8. Februar 2014

Tag 14 / km 3'428: Moskau, Russia (-5°)


Euse Russland-Start isch ja ächt de Hit gsi, St. Petersburg hät eus super guet gfalle... Nöd z'letscht au wägem Hostel... Mir sind ja scho i villne Backpackers und Hostel gsi, aber das in St. Petersburg isch vermuetli s'beste wo mir je gsi sind: Soul Kitchen Hostel... In Moskau hämers dänn leider nüme so guet troffe, chli gar kurrlige lüt ume gha, also eigentlich nur russe... und die chönd öppe glich schlächt änglisch wied chinese, also quasi gar nöd... :-)


Moskau isch ä richtigi grossstadt... Wohl au wie St. Petersburg mit vielne alte Gebäude, doch leider sind die nöd so guet erhalte und uf dä strasse isch meistens äs verkehschaos, sodass dere Stadt leider das gewisse etwas fehlt...

 

Trotzdem händ eus d'sehenswüridgkeite au sehr beidruckts... Näbe unzählige Chilene und Plätz isch dä Gorky-Park äs richtigs Juwel im Grossstadtrummel vo Moskau...



Aber s'highlight vo Moskau isch natürli dä roti Platz mit de Basilius-Katedrahle (guckst du erste Foto) und näbezu dä Kreml mit de Regierigsgebäude und dä zahlriche Chilene... Wie überall in Russland isch alles chli pompöser und grösser als mers vo dihei känned ;-)
Ein grosse Vorteil dass mir im Winter unterwegs sind, isch dass praktisch kei Touris unterwegs hät und mir so s'sightseeing meistens nöd müend teile :-)



Sodele, jetzt isch mal chli rue agseit vo de Grossstädt... für die nösgte guet 5'000km isch nämli dä Zug euses dihei... s'abentür Trans-Siberian-Railway startet, 4 volli Täg nonstop dur Sibirie bis an Baikalsee... :-)  


0 Kommentare:

Kommentar veröffentlichen