Was macht mer während enere 74.5 stündige Zugfahrt.
Ja, das händ mir üs au gfrogt? Schlussändlich isch das aber ganz en churzwiligi
Ziit gsi. Mit Zmorge, Zmittag und Znacht ässe und schlofe isch mer scho mol
sehr beschäftigt. De Spiesplan isch eher spärlich gsi isch. Zum Glück gids
verschiednigi Noodlesoups oder no es paar Knorr Suppe Bütel. Zur Abwächslig
häds denn doch mol no en vertröchneti Orange gäh oder en leckere mit wasser
ufgüssbare Haferflockebrei!
So all 5 stund häd de Zug en halt gmacht, wo mer
sehnsüchtigst uf die flügende Händler gwartet händ, wo im Reisefüehrer mit emne
riesige agebot a ässe apriese worde sind. Doch die händ allem aschin nach kei
luscht gha zum bi tüüfste minus temparature (-22°) ihri Füess in Buch z‘stoh.
So hämer halt eifach echli am Bahnhofstriebe zueglueget.
Die tüüf verschneiti Winterlandschaft
sind aber nöd z‘verachte. Immer wieder hämer riesigi zuegfrorni Flüss überquert
und unändlichi Birkewälder händ ide Sunne glänzt. Au die charmante
Holzhüserdörfli gsähnd sehr idyllisch us, aber öbs inne au so idyllisch warm
isch? Uf jede Fall isch es en agnehmi und gmüetlichi Art zum uf Asie zreise.
2 Kommentare:
So schön... Was händ ihr mit Champagner z'fiire kah?
Hoi Nadja und Daniel
Danke für die interessante Bricht.
Mir lässet die mit grossem Inträsse.
Nadja: was händ dänn dini Füess für Temperature vorem is Bett gah?
Chalt/warm oder heiss :-)
Gueti Reis und liebi Grüess
Renato und Irène
Kommentar veröffentlichen