De Baikalsee isch scho nur ufem papier beidruckend: mit
1'642m dä tüfstie see, mit 25 Millione Jahr dä ältisti see, dä grössti
süesswassersee (480x dä bodesee) vo dä wält... und er isch vo mitti november
bis mitti mai fast vollständig gfrore... und gnau wäge dem simmer an baikalsee...
äs isch wahrlich äs naturschauspiel... die witi flächi volle
iis und schnee, än traum... mer chan sich fascht nöd satt gseh vo dene
verschiedene oberflächene: mal schnee, mal puurs iis, mal ufenand gschobni
isscholle…
euse ersti halt isch uf de insle olchon gsi... obs immerno
insle heisst, wenn de see rundume gfore isch, lömer mal im ruum stah ;-)
Mitemene uralte russische Jeep (und töff :-) simer entlang
dä küste gfahre... natürli nöd ufem land, sonder ufem iis ;-) eifach nur woowww
gsi... zwüsched dure immerwieder än fotistopp und was am baikalsee nöd dörf
fehle, än omul zum zmittag (ä art ä forälle)...
Än wiitere Stopp am baikalsee häts in Listvianka geh… äs
chlises örtli wo vorallem im Summer sehr beliebt isch… ez im winter isch äs
chli usgstorbe, mal abgseh vo dä paar russe wo än gemütliche sunntignamittag
verbringed…
und so händ mirs au gmacht… äs picknick am see, natürli
mitemene frisch gräucherete omul, usgedehnti spaziergäng uf und näbedem iis…
ahja, temperature... mir händ en neue rekord mit -27°...
wobi am tag sind d'höchsttemperature bi wunderbare -15° :-) aber mir händ eus
tatsächlich langsam ad chälti gwöhnt, solang d'sunne schinnt und's nöd zfescht
windet isch es ganz agnehm verrusse... hört sich komisch an, ist aber so ;-)
und was natürli nöd dörf fehle: äs russischs banya, quasi ä
sauna… nur mit vodka, huet und peitsche :-)
s'abentür russland isch leider scho wieder verbi... spannend
wars, st. petersburg und dä baikalsee sind sicher absoluti highlights gsi...
eis vorurteil wo sich no bestätigt hät isch de mit em vodka... de wird überall
in rauen mengen konsumiert... im restaurant isch euse tisch amel de einzig gsi
ohne vodkafläsche ;-)
sodele, morn gahts witer mit em zweite teil vo de
transsibirische isebahn, ganuergseit stieged mer morn in trans-machurian wo eus
ufem diräkte wäg nach china bringt (ä churzwiligi 3-tages-zugfahrt)....
2 Kommentare:
das sind ja ganz tolli fotis snädeli am soinele mit peitsche huet und ebe wodka.. . de seebär daniel mit ..,bart- de bartli na ja,gfalsch mir besser ohni.. idrüklick de baikalsee . aber scho chli sehr chalt.. prrrrr- e witeri churzwieligi zugfahrt wünscht ma u pa liebi umarmig grüessli und schmatz.
guguseli ,, cool de döf mit sitewage.. gsed gmüetlich us.. trotzt de chälti...ich schicke eu paar warmi sunnestrahle..hebed sorg¨GUK ma
Kommentar veröffentlichen