Mittwoch, 26. März 2014

Tag 61: Bohol, Philippines (32°)


dä flug und die aschlüssend fähre-überfahrt vo palawan uf bohol isch zimli schmerzlos gsi, mal abgseh vo de erste rägetropfe sit wuche… mir händ nüt debi dänkt und sind am nögste tag bi schönstem wätter go tauche… Alona Beach isch zimlich touristisch (leider isch de schön strand verbaut mit restis), aber ganz oke für paar tag erhole und tauche…


Will tagelang am strand ligge mit de zit doch chli öd wird, hämer eus churzerhand es töffli gmietet und vor gha 5 täg lang quer umd insel bohol z’kurve… soweit so gut… kum simer los gfahre bereits de ersti platzräge… janu, chli unterstah und witergahts… das es dänn aber meistens grägnet hät uf eusem töffli-roadtrip isch dänn doch chli zuviel des guten gsi… än völlig usser-saisonale-mini-taifun hät eus meh als eimal völlig durchnässt…





Dä roadtrip isch aber trotzdem cool und amüsant gsi (platte, brugg wo kaputt gsi isch und mir händ en riese umweg müese fahre, schlammstrass, räge über räge, etc.)… näbe dä wunderbare landschaft mit idrückliche dörfli, palmewälder, jungle, etc. ischs highlight die chline tarsier-äffleart gsi womer händ dörfe gseh... und natürli chochlate hills… und will mer doch nöd ohni bädele händ chöne si, hämer eus zum vorem räge z’flüchte imene hotel mit pool iquartiert :-)