Nöd öppe will mer "Weicheier" sind und vor dä chälti händ welle flüchte, sind mer in Shanghai in nögste Flüger gstiege, nei nei :-) sondern will mer mit eusem Chinavisum eh hetet eimal müese usreise... Genau, und darum simer ab id wärmi ufd philippine... Wobi s'eus eimal meh fascht nöd händ welle mitneh, "ohne rückflugticket - kein check-in", tja mir händ dänn halt husch eine postet und ab isch es gange richtig palawan, gnauer gseit uf ä chlini insle nördlich vo Coron mit em name Dymakyan Island...
äs isch äs chlises paradis gsi, wenn mers nöd gnau gwüsst hetet dass es nöd so isch, het mer chöne meine mir seged ide flitterwuche: privats boot wo eus abgholt hät, welcomdrink mit persönliche musiker und fuessmassage, dä ganzi tag sind agstellti mit häppchen umeglofe, wisse sandstrand, türkisblaus meer, etc. etc. etc.
mir sind nöd nur zum fuul umeligge in club paradise (so hät er würkli gheisse), sondern wägem tauche... einersits wägem wältbekannte "apo reef", wo mit sine super koralle, riese fischschwärm und unzählige riffhaie än traum gsi isch... und anderersits, und das isch dä hauptgrund für euse bsuech gsi, wills idä nöchi söll ä chlini population vo dugongs (seechue) söll ha... mir händ zwar nur eini gfunde, däfür hämer dere chöne ä halb stund lang bim seegras ässe und umeplantsche chöne zueluege... eifach nur wooowwww gsi....
näbem tauche, sünnele, ässe & trinke hämer nöd allzu viel gmacht... oke buech läse und sunnebrand hole isch au no ufem plan gsi :-) beides zimli intensiv...
leider hämer eus d'pardis-insle nöd allzu lang chöne leiste und mir sind drum witer uf coron... au det isch es wunderbar witer gange... und zwar mit island-hopping und hängematte-entspannig... mir hoffed das mer eus das au gönt, da mir ja schliesslich am ferie mache sind vom reise :-)
1 Kommentare:
läack mir .. händ ihrs schön.. das hammer meer.. mega¨! gnüsseds¨! knuddel ma
Kommentar veröffentlichen