Dienstag, 29. April 2014

Tag 95 / km 22‘940 : Tsang-Region, Tibet / China (-2°)

Mit eusem Guide, äm Fahrer und äm 4x4 isch äs los gange uf euse Tibetroadtrip… Als ersts i die touristischti Gängend vo Tibet (abgseh vo Lhasa natürli), dä Tsang-Region… Dank em durchgängig teeräte Friendship-Highway, wo vo Lhasa uf Katmandu (Nepal) füehrt und quer durd Tsang-Region gaht, sind alli Sehenswürdigkeite eifach zerreiche… sött mer meine,tzzz… Us nöd ganz erklärliche Gründ gilt nämli Höchstgschwindigkeit 40km/h (und die wird rigoros und a jedem egge kontrolliert) und so isch euse Roadtrip zur Bummelfahrt worde…
Immerhin hämer so aber gnüegend Zit gha zum die fantastischi Landschaft z'gnüsse… Hochplateaus umringt mit 6-7-8'000er, Passfahrte uf über 5,000m, türkisfarbigi Seeä wie de Yamdrok-Tso oder s'eifache tibetische Läbe wo sich versuecht a die kargi Landschaft z'adaptiere…
Und überall gfindet mer Spure vom Buddhismus… Segs pilgerndi Lüt, än Mönch, ä Stupa, ä Buddhastatue oder äs Chloster… und vo dene häts unzähligi… Die schönste sind sicher d'Pelkor Chöde in Gyantse mit dä grösste Stupa vo Tibet und s'Tashilumpo Chloster in Shigatse wo wie ä eigeni chlini Stadt isch…
Eigentlich isch es nur en Berg und vo dene hämer die Schwiz ja gnueg… aber wenn mer dänn dävor staht, isch er doch äs absoluts Highlight und mer chunnt nüme usem stune use: dä 8848m höchi Mt. Evererst… Will mer scho für die 2h Wanderig zum Base Camp uf 5'200m händ müese schnuufe wie es Walross und kei 65'000 Dollar däbi gah händ, isch äs dänn bim Ablick vo une bliebe :-) Und sowieso händ eus Temperature knapp unter äm Gfrürpunkt (zum schlafe im Zimmer!!!) au so glanged… Im Gägesatz zu früenere Reise simer aber besser usgrüstet ;-) und händ das ohni jammere überstande :-)

1 Kommentare:

Chrigel hat gesagt…

http://blog.tagesanzeiger.ch/outdoor/index.php/37181/wie-weiter-am-everest/

Kommentar veröffentlichen