Dienstag, 22. Dezember 2009
Tag 212: Byron Bay (Australia)
mittlerwil isch aber s'dauertüf witterzoge und d'sunne zeigt sich zumindest sit zwei täg ab und zue... mer git sich ja fängs mit wenig zfriede... als schönwättersurfer macht so au s'stundelange geplantsche no meh spass... doch leider isch ebe gnau das surfbädele, dä nadja zum verhängnis worde und ä fiesi, nei nöd nur fies sonder richtig gemeini "blue bottle jelly fish" (auch bekannt als portugiesische galeere) hät sich um ihre fuess g'wicklet... zimlich schmerzhaft hät sie das ding für äs paar stund lahm gleit...
Samstag, 12. Dezember 2009
Tag 202: Great Ocean Road (Australia)
nur mit im auto höckle isch dänn aber nix gsi... schliesslich isch mit dä great ocean road, eis vo dä highlights vo australie agstande... und d'lookouts händ im kilometerabstand uf eus gwartet... und so häts geisse: usstiege – gucken – foto – istiege – witerfahre...
de küste abschnitt vo dä great ocean road, mit dä bekannte „twelve apostels“ (wo eigentlich nur no 6 sind), isch aber doch beidruckend und das bsunders bi schlächt wätter... dänn mit wind im haar und wasser uf dä rägejagge würked di steile felswänd und die donnerndi brandig erst rächt...
Dienstag, 8. Dezember 2009
Tag 198: Kangaroo Island (Australia)
aber i schüchtere hämer üs vo dem grüüsige wätter nöd und händ üsi Kangaroo Island reis prima düre brocht... zwar hämer de platypus im wasserloch am morge am 7ni nöd gfunde, aber defür hämer am ussichtspunkt en feine kaffi gnosse und so wenigstens die andere lüüt nidisch gmacht :-) ganz erfolgriich simmer bi de koala suechi gsi.... gheisse häds, es heigi zwüsched 20 – 25 stück – händ üsi gschuelte tierauge doch tatsächlich 17 stuck gfunde wo anderi nöd eine gseh händ...tja mits POHO's sött mer uf de kuala wäg...
die wisse sanddüne “little sahara” händ de sandro natürlich sofort begeisteret zum sich mol es sandboard z'miete. Meh als es paar mol ohni kurve abe fahre, es kilo sand is auto schleppe und öpe echli rugge weh vo de abschlusssalto nach jedere abfahrt isch aber au bi ihm nöd drin gläge...er bliibt also bim snowboarde!
Die viele fuule seeleue und seehünd händ sich vo üs nöd beidrucke loh und händ wiiter gschnarchlet. Pelikanfüätterig...tzzz, das häd üs weniger idruck gmacht als am sandro werum aber au nöd....uuuupppsiii, mer händ üsi ussag müsse revidiere und chönd ez säge...WoooW so grossi pelikan mit so wunderschöne grosse bruun schwarze auge hämer doch au no nie gseh! mit vielne neue idrück und abentürliche täg simmer wieder zrug in räge ufs feschtland...
Sonntag, 6. Dezember 2009
NADA wünscht merry X-mas & happy new year...
Donnerstag, 3. Dezember 2009
Tag 187-193 Outback (Australia)
natürli simmer nöd nur wägem ayers rock ä wuche im outback umegfahre... halt hämer au gmacht ide wüestestadt coober pedy, wo d'nadja mit dä wünschelruete nach opal gsuecht hät... leider erfolglos :-)
s'highlight im nüt usse vom outback, isch aber klar dä ayers rock gsi... äs wunderschöns naturschauspiel wenn de monolit bi sunneuf- und untergang kontinuierlich s'rotspektrum vo dä sunne reflektiert...
beniede vo allne andere touriste hämer eus das naturdrama bi sunneuntergang mit wein und bier im campingstuel aglueget und bi sunneufgang mitemene usgedehente früestüeck :-)
Montag, 23. November 2009
Tag 180 – 183 Mildura (Australia)
mir händ jedoch d'zit mit nöd minder-sehenswerte naturspektakel (Sandy Perry Dunes) und vorallem mit schwümme tod g'schlage :-)
Freitag, 20. November 2009
Tag 178 – 180 Grampians Nationalpark (Australia)
Samstag, 14. November 2009
Tag 161-174: Sydney to Melbourne (Australia)
Mount Kosciuszko isch de höchsti berg vo australie. Die möglichkeit de zbestiege hämer üs nöd entgoh loh und sind für 3 nächt id snowy mountains gfahre. Es hübsches skiörtli hämer döt gfunde und herrlichs wätter zum de berg, wo für üs eher en hügel isch, zbestiege. Mit kapuze dobe und händsche a, simmer dür die restliche schneefälder marschiert & händ de gipfel vo 2228m erklomme.
Lang simmer nöd elleige gsi und mer händ wieder dörfe mit lüüt us de schwiiz zwoi lässigi öbig verbringe. Mit holdeners häts sogar äs obligats jump föteli ghe, sogar de colin gumpt höcher als ich.... ganz spontan und unerwartet sind denn d'eltere vo de nici üs ufem campingplatz über de wäg gloffe, mit zwei fläsche wii hämer üs viel zverzelle gha.
Nach mehrere empfählige ischs dänn in „wilsons promontory national park“ gange. Diräkt am meer, zmitzt im wald campe und wunderschöni buchtene zum bade und en super ussicht vom mount oberon. Das hämer natürlich au welle gseh. Und mer sind am morge früäh uf und händ de berg bestiege......tja, d'ussicht isch dänn leider doch nöd so toll gsi, wie alli dävo gschwärmt händ, aber das isch wohl eher a eusem näbel-päch gläge...
Samstag, 31. Oktober 2009
Tag 160: Sydney (Australia)
back in sydney, womer ja fascht scho locals sind, hämers eifach mal wieder gnosse chli zsi und uszspanne... eimal meh hämer die grossartig gastfründschaft vo fink-ackermanns dörfe gnüsse... bsunders z'erwähne wäret da natürli die feini moules-frites und die sensationell paella.... äs riese grosses muschis gracias dene zwei... mir hoffet (mit ussicht uf än indische z'nacht) mir dörfed die gastfründschaft numal gnüsse :-)
ja was macht mer wenn mer zum x-tä mal in sydney isch... natürlich go surfe... mit mittlerwil gnueg experience wag ich mich fängs i jediglichi höchi wälle... jawohl, aber dass das mit dem bigwave-surfe doch nöd so eifach isch, hani bitter müese lerne... die letschti wälle isch dänn doch äs biz zu gross gsi... han doch müese bis 26 zellä bis ich wieder a dä wasser oberflächi gsi bin... mis surfbrätt aber, hät leider gar nüme zellt... guckst du foto.....
Mittwoch, 14. Oktober 2009
Tag 142: Whitsunday Islands (Australia)
If you don't do a cruise, do a cruise... än weise spruch, vomene nöd weise australier :-) mir händ eus dra ghalte und sind uf än 3-tages sägeltörn... aber de törn isch dänn zu beginn viel eher än turn back in hafe gsi... da nämli dä motor und dänn au no dä anker kaputt gsi sind, häts mal gheise warte und warte... ja bon, söll nöd de letscht defekt gsi si :-) nach 3h im hafe ischs dänn doch no los gange... aber nöd mit sägle!!! dänn die sägel sind meh wild ide luft umegflatteret... und ohni motorunterstützig weret mer nöd vom fläck cho...
au am tag 2 isch nix mit sägle gsi, wieso weiss niemert... dafür isch s'WC vo afang a verstopft gsi :-) doch dänn doch äs highlight... whitehaven beach... nöd zu unrächt eini vo dä schönste beachäne vo dä wält... eifach herrlich, ämel dä beach und nöd was nachher cho isch: da ide zwüschezit s'meer vo fluet uf ebbe gwächslet hät, simer mit eusem gummiböötli nüme ufs meer usecho cho.... irgendwie hämers dänn doch uf euses sägel-chrüpel-schiff zrugg gschafft... doch dete ratlosigkeit... dä motor vom anker isch wieder kaputt gsi und so hämer da anker nüme ufebracht... keis problem für euse skipper, de hät dänn nämli ganz eifach euses sägelboot ufere sandbank uf grund parkiert (tzzz scho kei ahnig vo sägle)... prima sach... 2h spöter isch dänn euse kahn doch no witter tuckerlet (tuckerlet und nöd gsäglet!!!)... s'aschlüssende schnorchle isch super gsi: sand, sand und sand... und öppe 3 zugersee-ähnlichi fisch... ich han mich dänn mal an skipper gwändet und de hät s'einzig richtige gmacht: nämlich eus vier churzerhand uf dä nögste insle abgsetzt, wills det ä Bar gha hät :-) voila, so händs wenigstens äs paar happy passagier gha :-)
da mir ja schliesslich usere sägelnation chömed, hät dänn dä skipper am letschte tag doch no d'sägel ghisst (wo überigens für euses boot zchli gsi sind)... und so simmer doch no zum sägle cho uf eusem sägeltörn... tja, euse sägel-racer isch so än zimliche müll gsi... aber au in australie chan nöd immer alles rund laufe...
Donnerstag, 8. Oktober 2009
Tag 137: Great Barrier Reef (Australia)
aber zrugg zum tauche... es hät ja gheisse es seg es chillout-boot... wars aber nicht... mit 3 mahlzite am tag und 5 tauchgäng, simmer froh gsi, wenn mer am abig doch no zit gha händ für äs paar bier und übertürte rotwi :-) aber schön isch es gsi...
d'nadja isch sich immer fliessig vorem triggerfisch am verstecke gsi, d'gabi hät ohni erfolg dä safetystop g'üebt und dä patrick hät vergeblich versuecht än hai vord dlinse z'bringe... tja und ich, mhhh... ich han doch tatsächlich au schiss gha uf dä nachttauchgang zgha... und zwar wills vor grey sharks nur so gwimmlet hät... isch dänn aber doch ohni angstbisi gange :-)
Samstag, 3. Oktober 2009
Tag 132: Townsville (Australia)
De staub hämer denn hinder üs gloh und händs üs in byron bay 4 täg lang gemütlich gmacht. Es häd kilometerlangi stränd gha mit geniale wälle. Bi dem ablick händ am dani sini bei und arme afo jucke und los isch es gange mit sörfe :-) nach dem ich mit mine eigne auge gseh han wie nöch as ufer de wiissi hai chund isch min respäkt no grösser worde & mini sörfkünscht sind schleppend vorah gange....aber defür hämer au chöne whale und en ganzi gruppe delfine vom strand us beobachte....nöd schlächt, ander zahled es vermöge für en whalewatching tour ;-)
mittlerwiile hämers richtig warm und chönd üse wii verusse im shirt und flipflops gnüsse. Mer sind in townsville a cho. Hüt hämer dmagnetic island bsuecht und händ uf üsere chline wanderig doch tatsächlich freiläbendi kualas gseh. Dmuetter kuala und ihres chline sind gemütlich inere astgablig gläge und händ ihre 16-20 stündig täglichi pfus ghalte
Händer gwüsst, dass australie das land isch mit de meiste kamel??? ;-)
Freitag, 2. Oktober 2009
NADA - 131 days on tour...
Freitag, 18. September 2009
NADAgoesOZ....
Montag, 7. September 2009
Sonntag, 6. September 2009
Tag 105: Broadbeach / Surfers Paradise (Australia)
äs herrlichs läbe: am morge ufstah und zmörgele, dänn ab id wälle... aschlüssend anen nögste beach fahre und in nasse wetsuit stiege... nach dä zweite surfsession, gemütlich picknicke und sandwich ässe... gäg dä abig dänn än witeri ride uf dä welle... nachher BBQ :-) s'obligate tipp-kick spiel dörf au nöd fehle und zum tagesabschluss paar bierli in irgendeim pub... jawohl und das tag für tag... ussert wenn grad fussballnati spillt, dänn mues mer halt in usgang, durehebe und am morge am halbi 5 (scheiss zitverschiebig) im casino s'mätchli luege... dä usgang isch aber solala... hät nume idote und hohli lüt ume, dänn teenie's und vorallem unpassend kleideti girls (dä fastfood hät ganzi arbet gleistet)...
Dienstag, 25. August 2009
Tag 93: Hong Kong (China)
ja leider hämer die schöne beache und s'tauche uf Koh Tao müesse hinter eus lah... aber es sind super erholsami ferie gsi :-) witer ischs gange uf Hong Kong... und die City isch eifach wooooowwww... super modern und alles isch dure organisiert... die stadt bestaht us eim riese grosse shoppingcenter, ei mall reiht sich a die ander... und au suscht hät die staht mega viel zbüte... mir fühlet eus richtig wohl nach dem chaos in indie...
gnau 3 Mönet simmer ez unterwegs und äs isch eifach fantastisch gsi, mir sind froh gahts no äs wili witer äso :-) aber ez heisst zerst zwei mol Abschied neh... nöd nome vo HK, sonder au vonenand... d'Nadja gaht für än churze abstächer (3 wuche) hei id Schwiiz und dä Däni macht sich richtig Australie uf, um mit em Fink chli go sörfe und trinke :-)
Sonntag, 16. August 2009
Tag 84: Koh Tao (Thailand)
Sonntag, 2. August 2009
Tag 70: Sauraha (Chitwan Nationalpark, Nepal)
Nashörner, Pfaue, Wildschweine, Affe, Krokodile, Pferdehirsche und pünktletli reh... hämer alli i ihrere freie wildbahn chöne ufemne rugge vomne elefant beobachte. Schade, isch üs kein tiger über de wäg gloffe. Mer händ aber scho freud gha, wenn ganzi elefanteherde dürs dorf gspaziert sind...
Donnerstag, 30. Juli 2009
Tag 67: Kathmandu, Nepal
Im Touristeviertel Thamel häts dänn aber meh Hotel und Restaurants, aber mir händ eus dennoch wohl gfühlt, ändli mal wieder innere Bäckerei chöne z'morge z'ässe oder zum z'nacht mal wieder äs richtigs stuck fleisch z'vertrucke...(das häd vorallem de dani sehr gfreut ;-))
Kathmandu bliebt eus aber dennoch mit gmischte gfühl in errinerig: erstens wills fascht permanänt am rägne gsi isch, zweitens will d'müllabfuhr für ä wuche grad gstreikt hät (stink!stink!) und drittens will d'Nadja mit verdacht uf ä tropischi Krankheit is Spital hät müsse... nachemene umfassende und türe untersuech mit bluetanalyse isch dänn aber entwarnig cho... und so simmer wieder fit und munter witerzoge :-)
Donnerstag, 23. Juli 2009
Tag 56 bis 60: Trekking Poon Hill (Pokhara, Nepal)
Tusigi Wanderer findet jährlich dä weg nach Pokhara, äm berühmtischte trekkingmekka in nepal.... ade travellermeile „lakeside“ in pokhara wächslet sich shop's, restaurant's, guest houses und trekking-agencies ab...
die schlächtischti zit für es trekking in nepal isch juli... voila, wiedermal super plannet ;-) gmäss reiseführer und diverse usage, söllet dänn d'himalayische berge permanent ide wulche si und dä monsun söll tag für tag sini arbet leiste... s'guete a dem isch aber, dass es dänn nur paar wenigi touris ume hät...
mir händ eus vo dere schwarzmalerei natürli nöd ischüchtere lah.... zäme mit emene
ami hämer än guide aghüret und eus uf de weg id berge gmacht für än 5 tagestrek... doch bereits am erste tag hät eus dä monsun bitter blüete lah... mir sind scho ufem zahfleisch glofe und dänn usem nüt use räge... anstatt achttusiger hämer bächwis wasser gseh... plutschnass hämers dänn doch no i die überraschend luxuriös lodge gschafft...
uf dass es euse einzig räge hät sölle bliebe, het au euse guide kein nepali rupie gwettet... dänn abem zweite täg hät eus jewils am morge dä annapurna-range aglacht... eifach idrücklich wenn mer dur dä himalaya lauft und rächts und links über achttusig meter höchi berge empor stieget...
zimli stinkig und die einte mit meh und die andere mit weniger muskelkater :-) simer nach 5 täg wieder zrugg uf pokhara... bis jetzt isch das sicher eis vo dä grosse highlights gsi vo eusere reis...