Tag 160: Sydney (Australia)

4 leute... 4 wochen... 3000km... australiens ostküste.... schön wars, aber alles gute hat bekanntlich ein ende.... ämel fürd gabi und dä patrick... will die zwei hämer wieder hei gschickt... aber cool isch es gsi und viel hämer gseh und gmacht... tauche am great barrier reef, sägle umd whitsunday islands, jeepsafari uf fraser island, wreckdiving idä HMAS brisbane, surfe in byron bay, shopping in manly und natürli sightseeing in sydney... dä gabi und äm patrick än guete start bim schaffe, danke für die cool zit und bis bald wieder....


back in sydney, womer ja fascht scho locals sind, hämers eifach mal wieder gnosse chli zsi und uszspanne... eimal meh hämer die grossartig gastfründschaft vo fink-ackermanns dörfe gnüsse... bsunders z'erwähne wäret da natürli die feini moules-frites und die sensationell paella.... äs riese grosses muschis gracias dene zwei... mir hoffet (mit ussicht uf än indische z'nacht) mir dörfed die gastfründschaft numal gnüsse :-)

ja was macht mer wenn mer zum x-tä mal in sydney isch... natürlich go surfe... mit mittlerwil gnueg experience wag ich mich fängs i jediglichi höchi wälle... jawohl, aber dass das mit dem bigwave-surfe doch nöd so eifach isch, hani bitter müese lerne... die letschti wälle isch dänn doch äs biz zu gross gsi... han doch müese bis 26 zellä bis ich wieder a dä wasser oberflächi gsi bin... mis surfbrätt aber, hät leider gar nüme zellt... guckst du foto.....

Tag 142: Whitsunday Islands (Australia)

If you don't do a cruise, do a cruise... än weise spruch, vomene nöd weise australier :-) mir händ eus dra ghalte und sind uf än 3-tages sägeltörn... aber de törn isch dänn zu beginn viel eher än turn back in hafe gsi... da nämli dä motor und dänn au no dä anker kaputt gsi sind, häts mal gheise warte und warte... ja bon, söll nöd de letscht defekt gsi si :-) nach 3h im hafe ischs dänn doch no los gange... aber nöd mit sägle!!! dänn die sägel sind meh wild ide luft umegflatteret... und ohni motorunterstützig weret mer nöd vom fläck cho...

au am tag 2 isch nix mit sägle gsi, wieso weiss niemert... dafür isch s'WC vo afang a verstopft gsi :-) doch dänn doch äs highlight... whitehaven beach... nöd zu unrächt eini vo dä schönste beachäne vo dä wält... eifach herrlich, ämel dä beach und nöd was nachher cho isch: da ide zwüschezit s'meer vo fluet uf ebbe gwächslet hät, simer mit eusem gummiböötli nüme ufs meer usecho cho.... irgendwie hämers dänn doch uf euses sägel-chrüpel-schiff zrugg gschafft... doch dete ratlosigkeit... dä motor vom anker isch wieder kaputt gsi und so hämer da anker nüme ufebracht... keis problem für euse skipper, de hät dänn nämli ganz eifach euses sägelboot ufere sandbank uf grund parkiert (tzzz scho kei ahnig vo sägle)... prima sach... 2h spöter isch dänn euse kahn doch no witter tuckerlet (tuckerlet und nöd gsäglet!!!)... s'aschlüssende schnorchle isch super gsi: sand, sand und sand... und öppe 3 zugersee-ähnlichi fisch... ich han mich dänn mal an skipper gwändet und de hät s'einzig richtige gmacht: nämlich eus vier churzerhand uf dä nögste insle abgsetzt, wills det ä Bar gha hät :-) voila, so händs wenigstens äs paar happy passagier gha :-)

da mir ja schliesslich usere sägelnation chömed, hät dänn dä skipper am letschte tag doch no d'sägel ghisst (wo überigens für euses boot zchli gsi sind)... und so simmer doch no zum sägle cho uf eusem sägeltörn... tja, euse sägel-racer isch so än zimliche müll gsi... aber au in australie chan nöd immer alles rund laufe...

Tag 137: Great Barrier Reef (Australia)

Wenn mer in Australie isch, dänn ischs tauche am Great Barrier Reef äs „must do“... voila und so simmer für 3 täg vo cairns us uf dä schwümmende palast, dä ocean-quest... mitgno hämer au euse bsuech d'gabi vo zug und dä (f.u.) päde vo zug (ehemals rüti)... mit dene kurrlige reisegspändli werdet mer die nögste vier wuche richtig sydney reise...

aber zrugg zum tauche... es hät ja gheisse es seg es chillout-boot... wars aber nicht... mit 3 mahlzite am tag und 5 tauchgäng, simmer froh gsi, wenn mer am abig doch no zit gha händ für äs paar bier und übertürte rotwi :-) aber schön isch es gsi...

d'nadja isch sich immer fliessig vorem triggerfisch am verstecke gsi, d'gabi hät ohni erfolg dä safetystop g'üebt und dä patrick hät vergeblich versuecht än hai vord dlinse z'bringe... tja und ich, mhhh... ich han doch tatsächlich au schiss gha uf dä nachttauchgang zgha... und zwar wills vor grey sharks nur so gwimmlet hät... isch dänn aber doch ohni angstbisi gange :-)

Tag 132: Townsville (Australia)

.....kangoroo, delfine, whale, haie, en 1.5 meter lange leguan, komischi und wunderschöni vögel, sandstürm, buschbränd, verschlofnigi australischi hinterland dörftli und super wälle für de dani zum sörfe....all das hämer i dene zwoi wuche wo mer mit üsem hyundai unterwägs sind erläbt. Vo sydney us isch es richtig hinterland gange...eis verschlofnigers dörfli häd sich as andere greiht – die erste 3 nächt hämer mit üsne wärmste chleider verbrocht und vo üsem traum vorem zält zhöckle und es wiili trinke hämer nochli wiiter chöne träume. Aber shighlight isch definitiv nachere stürmische nacht gsi...am morge isch de ganzi zältplatz i oranscher farb ghüllt gsi. Alles isch oranschig staubig gsi.....häd zum luege aber ganz genial usgseh.
De staub hämer denn hinder üs gloh und händs üs in byron bay 4 täg lang gemütlich gmacht. Es häd kilometerlangi stränd gha mit geniale wälle. Bi dem ablick händ am dani sini bei und arme afo jucke und los isch es gange mit sörfe :-) nach dem ich mit mine eigne auge gseh han wie nöch as ufer de wiissi hai chund isch min respäkt no grösser worde & mini sörfkünscht sind schleppend vorah gange....aber defür hämer au chöne whale und en ganzi gruppe delfine vom strand us beobachte....nöd schlächt, ander zahled es vermöge für en whalewatching tour ;-)

mittlerwiile hämers richtig warm und chönd üse wii verusse im shirt und flipflops gnüsse. Mer sind in townsville a cho. Hüt hämer dmagnetic island bsuecht und händ uf üsere chline wanderig doch tatsächlich freiläbendi kualas gseh. Dmuetter kuala und ihres chline sind gemütlich inere astgablig gläge und händ ihre 16-20 stündig täglichi pfus ghalte


Händer gwüsst, dass australie das land isch mit de meiste kamel??? ;-)

NADA - 131 days on tour...

aen chline zaemeschnitt vo dae 131 taeg vo mir bereits unterwegs sind